flugfréttir
Þrýsta á stjórnvöld og Boeing um að hefja nýja leit að MH370
- Eftir tvo mánuði verða 5 ár liðin frá því malasíska farþegaþotan hvarf
Þann 8. mars verða komin fimm ár síðan að malasíska farþegaþotan hvarf sporlaust á leið frá Kuala Lumpur til Peking með 239 manns um borð
Ættingjar og aðstandendur þeirra farþega sem voru um borð í malasísku farþegaþotunni, flugi MH370, hafa sett pressu á ríkisstjórn Malasíu um að hefja nýja leit að flugvélinni sem hvarf sporlaust þann 8. mars árið 2014 en eftir tæpa tvo mánuði verða komin 5 ár síðan að Boeing 777 þotan hvarf á leið sinni frá Kuala Lumpur til Peking.
Þá fara aðstandendur þeirra 239 sem voru um borð í flugi MH370 fram á að Boeing fjármagni nýja leit en Airbus segir í viðtali við The Weekend
Australian að flugvélaframleiðandinn evrópski hafi sett 1.6 milljarð króna í leitina að flaki
Airbus A330 breiðþotu Air France sem fórst árið 2009 á leið frá Rio de Janeiro til Parísar.
Flak Air France, flugs AF447, fannst tveimur árum síðar á hafsbotni í Atlantshafinu en í mars verða
fimm ár liðin frá því að flug MH370 hvarf og segir Airbus að Boeing hafi svipuðum skyldum að gegna hvað varðar leitina að flugi MH370.
„Það er mikilvægt fyrir allan flugiðnaðinn að draga eins mikinn lærdóm af hverju flugslysi og hægt er
með því að skilja og finna út úr hver orsökin var í þeim tilgangi að koma í veg fyrir að slíkt
geti endurtekið sig“, segir talsmaður Airbus.
Frá blaðamannafundi nýlega þar sem staðfest var að 5 hlutir sem
fundust í nóvember tilheyri flugi MH370
Rétt eftir áramót var staðfest að brak úr flugvélinni, fimm brot sem fundust við strendur
Madagascar, séu úr flugi MH370 en þrátt fyrir það hafa stjórnvöld ekki tilkynnt um að sú staðfesting sé tilefni til að hefja leit að nýju.
„Þetta ár er árið sem eitthvað þarf að gerast“, segir Danica Weeks en eiginmaður hennar, Paul Weeks, var
meðal þeirra farþega sem voru um borð í malasísku farþegaþotunni og segir hún að Boeing ætti að fjármagna
nýja leit að flugvélinni.
Talsmaður Boeing segir að framleiðandinn hafi fjármagnað tæknilega aðstoð við leitina og aðstoðað
flugslysasérfræðinga frá upphafi. Þá segir Boeing að ef nýjar áreiðanlegar vísbendingar koma
upp á yfirborðið að þá muni leit hefjast að nýju og Boeing aðstoða við þá leit með ráðgjöf og þjónustu.
Handviss um að þotunni var flogið af leið vísvitandi
Stjórnvöld í Ástralíu vörðu 17,2 milljörðum króna í leit að flugvélinni á tveimur árum og var leitað
á svæði sem er stærra en flatarmál Íslands en án árangurs.
Kok Soo Chon, yfirmaður rannsóknarnefndar flugslysa í Malasíu, segir að það sé ómögulegt að komast
að því hvað varð um flugvélina ef flak hennar og flugritarnir koma ekki í leitirnar.
John Cox, sérfræðingur í flugöryggismálum og fyrrverandi flugstjóri, segist vera handviss um að
flugvélinni hafi verið vísvitandi flogið af leið er hún tók beygju til vesturs í átt að Andamanhafinu rétt
eftir að síðustu orðin frá áhöfn vélarinnar voru sögð: „Good night, Malaysian three seven zero“.
Cox telur sennilegast að flugstjóri þotunnar, Zaharie Ahmad Shah, sé ábyrgur fyrir hvarfi þotunnar
Þá eru flugmennirnir Mike Keane, yfirflugstjóri hjá easyJet, Simon
Hardy, flugstjóri á Boeing 777 hjá British Airways, Byron Bailey og Larry Vence rannsóknarsérfræðingur
flugslysa í Kanada, allir á því máli að malasísku flugvélina sé að finna á hafsbotni rétt suðvestur
af því leitarsvæði sem leitin fór fram á.
Hinsvegar telur David Griffin, haffræðingur og sérfræðingur í hafstraumum, líklegt að flug MH370
hafi farið í sjóinn skammt austur af ströndum Afríku.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.