flugfréttir

Spáð 8 prósent færri farþegum um Keflavíkurflugvöll í ár

- Heildarfjöldi farþega er þó enn umfram þá langtímaspá

30. janúar 2019

|

Frétt skrifuð kl. 21:02

Björn Óli Hauksson, forstjóri Isavia, í opnunarræðu sinni í gær er farþgeaspá Isavia fyrir Keflavíkurflugvöll var kynnt

Í gær var kynnt ný farþegaspá um fjölda farþega sem fer um Keflavíkurflugvöll árið 2019 á morgunfundi Isavia á Hilton Reykjavík Nordica.

Björn Óli Hauksson, forstjóri Isavia, sagði í opnunarræðu sinni að Isavia hefði síðan árið 2015 birt spá um fjölda farþega og vanalega í lok nóvember. Spánni fyrir 2019 hafi hins vegar seinkað vegna óvissu á markaði. „Við teljum þó stöðuna hafa skýrst umtalsvert undanfarið og erum við tilbúin að setja fram okkar sýn fyrir árið 2019,“ sagði Björn Óli.

Hlynur Sigurðsson, framkvæmdastjóri viðskiptasviðs Keflavíkurflugvallar, kynnti farþegaspá Isavia. Í erindi hans kom fram að spáin geri ráð fyrir að 8,9 milljón farþegar fari um Keflavíkurflugvöll í ár, samanborið við 9,8 milljónir í fyrra sem er 8,7% fækkun. Heildarfjöldinn í spánni fyrir 2019 er tæplega 200 þúsund fleiri en fóru í gegnum Keflavíkurflugvöll allt árið 2017.



Í spánni fyrir 2019 er mest fækkunin í skiptifarþegum, en talið er að þeim muni fækka um 18,7% frá fyrra ári. Það skýrist helst af því að áfangastaðir munu að öllum líkindum fækka, sem og tíðni ferða til vissra áfangastaða. Þá hefur sætaframboð flugfélaganna áhrif á tengimöguleikana sem og farþegafjöldann.

Brottfararfarþegum fækkar hins vegar minna. Athygli vekur að komu- og brottfararfarþegum fjölgar yfir sumarmánuðina frá árinu 2018. Í júní verða þeir um 4% fleiri en á sama tíma í fyrra, þeim fjölgar um 5,7% í júlí og að lokum um 7,2% í ágúst. Þá gerir farþegaspáin ráð fyrir að komu- og brottfararfarþegum fjölgi í nóvember um 1,7% og í desember um 4,6%.

Í erindi Hlyns var einnig vísað í þá langtíma farþegaspá sem gerð var í tengslum við þróunaráætlun Keflavíkurflugvallar árið 2015. Þar kom fram að þrátt fyrir fækkun í ár þá sé fjöldi ferðamanna enn langt yfir langtímaspánni sem gerð var fyrir tæpum fjórum árum.

Hlynur vék einnig að uppbyggingarþörf á Keflavíkurflugvelli til að mæta þeim fjölda farþega sem áætlað er að fari um flugvöllinn í ár. Þar kom fram að til þess að betur væri hægt að þjónusta farþegafjöldann sem nú þegar fari í gegnum Keflavíkurflugvöll, þurfi að bæta um 10 þúsund fermetrum við flugstöðina og er fyrirhuguðum framkvæmdum ætlað að mæta því.

Hlynur fór einnig yfir niðurstöður alþjóðlegrar þjónustukönnunar – ASQ Survey – þar sem ánægja farþega er meiri milli ára þrátt fyrir uppbyggingaþörfina. Fer Keflavíkurflugvöllur úr 27. sæti árið 2017 í 17. sæti fyrir árið 2018. Um 110 flugvellir í Evrópu eru í ASQ þjónustukönnuninni.

Pétur Óskarsson, framkvæmdastjóri Íslandsstofu, ræddi í erindi sínu um ný lög um Íslandsstofu og breytt skipulag á samstarfsvettvangi atvinnulífs og stjórnvalda. Hann ræddi viðhorf erlendra ferðamanna gagnvart áfangastaðnum Íslandi og áhuga þeirra á íslenskum vörum.

Flugið hefur opnað markaði og fjölgað viðskiptatækifærum innanlands, hvort sem um er að ræða vörur, þjónustu eða fjárfestingar. Til að mynda hafi útflutningur á ferskum fiski til Bandaríkjanna nánast þrefaldast frá árinu 2009 og má þakka betri og örari flugsamgöngum til og frá Bandaríkjunum fyrir það.







  fréttir af handahófi

Annað dótturfélag Avianca hættir rekstri

10. júní 2019

|

Avianca Argentina hefur hætt starfsemi sinni í bili og er þetta annað dótturfélag kólumbíska flugfélagsins Avianca til að hætta rekstri á eftir Avianca Brasil.

Fallhlífarstökksflugvél ók á kyrrstæða kennsluvél í Slóvakíu

15. júlí 2019

|

Engann sakaði er tvær flugvélar rákust saman á jörðu niðri í Slóvakíu í gær en önnur vélin, af gerðinni Pilatus PC-6, ók á kyrrstæða Diamond DA40 flugvél sem var mannlaus.

Von á niðurstöðum á úttekt á vottunarferli FAA í haust

25. júlí 2019

|

Samgönguöryggisnefnd Bandaríkjanna (NTSB) hefur tilkynnt að í haust verða birtar niðurstöður ásamt athugasemdum varðandi vottunarferli meðal bandarískra flugmálayfirvalda (FAA) sem hefur verið til ra

  Nýjustu flugfréttirnar

Vélmenni flaug mannlausri Cessnu í 2 klukkustundir

19. ágúst 2019

|

Lítil Cessna-einkaflugvél tók á loft á dögunum í Bandaríkjunum mannlaus með engan um borð en flugvélinni var flogið af vélmenni sem flaug vélinni í tvær klukkustundir.

Selja allan hlut sinn í Bank Norwegian

19. ágúst 2019

|

Norwegian tilkynnti í morgun að flugfélagið norska hafi ákveðið að selja allan hlut sinn í fyrirtækinu Norwegian Finans Holdings, sem á dótturfélagið Bank Norwegian, sem Norwegian stofnaði á sínum tí

Farþegaþota lendir í fyrsta sinn á nýja Gagarin-flugvellinum

19. ágúst 2019

|

Farþegaþota lenti í fyrsta sinn í gær á Gagarin-flugvellinum, sem er nýjasti alþjóðaflugvöllur Rússlands, staðsettur í borginni Saratov, tveimur dögum áður en hann verður formlega tekinn í notkun á

Gera ekki ráð fyrir 737 MAX fyrr en eftir áramót

17. ágúst 2019

|

Icelandair hefur nú uppfært flugáætlun sína til ársloka. Félagið gerir ekki ráð fyrir Boeing 737 MAX vélum í rekstri fyrir þann tíma og hefur aðlagað flugáætlun sína í samræmi við það og aðra þróun á

Vilja að hæstiréttur komi í veg fyrir boðað verkfall flugmanna

16. ágúst 2019

|

Ryanair hefur biðlað til hæstaréttar Írlands um að grípa í taumana og koma í veg fyrir fyrirhugaðar verkfallsaðgerðir meðal írskra flugmanna sem stefna á að leggja niður störf sín í næstu viku.

Flugvél hlekktist á í Svefneyjum á Breiðafirði

15. ágúst 2019

|

Lítilli flugvél hlekktist á í lendingu á Svefneyjum á Breiðafirði seinnipartinn í dag.

Cabo Verde Airlines tekur í notkun Boeing 737-300 þotu

15. ágúst 2019

|

Cabo Verde Airlines, flugfélagið á Grænhöfðaeyjum, hefur tekið í notkun Boeing 737-300 þotu sem félagið mun nota til þess að fljúga áætlunarflug frá Nelson Mandela flugvellinum við bæinn Praia til Li

Brotlenti er flugmaðurinn teygði sig í hurð sem hafði opnast

15. ágúst 2019

|

Rannsóknarnefnd samgönguslysa í Bandaríkjunum (NTSB) telja að orsök flugslyss, er lítil flugvél af gerðinni Cessna 170 brotlenti í Bandaríkjunum árið 2017, megi rekja til þess að flugmaður gerði tilr

Tvær þotur frá Qantas of nálægt hvor annarri í Sydney

14. ágúst 2019

|

Atvik átti sér stað á flugvellinum í Sydney á dögunum er tvær farþegaþotur frá Qantas fóru of nálægt hvor annarri.

Taka á leigu Boeing 737-200 til að fylla í skarð 737 MAX

13. ágúst 2019

|

Mikil eftirspurn er núna eftir gömlum Boeing 737 þotum vegna kyrrsetningar á Boeing 737 MAX þotunum en þetta er haft eftir flugvélaleigum sem leigja út flugvélar til flugfélaga.

 síðustu atvik

  2019-01-01 20:20:00