flugfréttir
Airbus staðfestir endalok A380
- Tom Enders: „Pínlegt að þurfa að taka þessa ákvörðun“
14. febrúar 2019
|
Frétt skrifuð kl. 07:36
Airbus A380 í litum framleiðandans
Airbus hefur staðfest að smíði risaþotunnar Airbus A380 mun líða undir lok og verður framleiðslu hennar hætt eftir tvö ár.
Þetta kom fram í morgun á ársfundi Airbus og segir Tom Enders, fráfarandi framkvæmdarstjóri framleiðandans, að
þessi ákvörðun hafi verið mjög erfið og sé grátlegt að þurfa að grípa til þess ráðst að binda endi á smíði
stærstu farþegaþotu sem framleidd hefur verið.
Ákvörðunin var tekin í kjölfar þess að Emirates ákvað að hætta við pöntun í yfir 30 risaþotur sem félagið
átti eftir að fá afhentar en eftirspurn Emiratas eftir Airbus A380 var orðin í raun eina ástæða þess að hún hefur verið enn í smíðum.
Airbus sá fram á að svo lengi sem Emirates hafði þörf fyrir risaþotur að þá væri hægt að framleiða að minnsta
kosti sex risaþotur árlega og halda framleiðslunni gangandi með þær forsendur fyrir hendi.
Tom Enders bætti við að hönnun A380 sé einstakt afrek út af fyrir sig og algjört verkfræðiundur í sögu flugvélaframleiðslu og sé pínlegt fyrir Airbus, og alla aðra sem að þotunni koma, farþega og aðdáendur, að þurfa að fara þessa leið.
Enders segir að ákvörðun Emirates hafi skorið út um örlög Airbus A380 og mun verkefnið „falla saman“ hægt og rólega á næstunni.
„Við höfum engar pantanir í Airbus A380 og þrátt fyrir ýmsar tilraunir til þess að glæða nýju lífi í markaðsmál
og fá fleiri pantanir þá hefur það farið á annan veg“, segir Tom Enders.
Fjöldaframleiðslan á Airbus A380 hefur staðið yfir í 14 ár eða frá árinu 2005 þegar risaþotan flaug sitt fyrsta flug
en fyrsta sölueintakið var afhent árið 2007 til Singapore Airlines og síðan þá hefur Airbus afhent 230 eintök
af risaþotunni.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
