flugfréttir
Norskur flugskóli pantar 60 rafknúnar kennsluflugvélar
- Stærsta pöntun sem gerð hefur verið í rafmagnsflugvélar á einu bretti
13. apríl 2019
|
Frétt skrifuð kl. 13:51
Sun Flyer 2 rafmagnsflugvélin
Norska flugfyrirtækið OSM Aviation hefur lagt inn pöntun í sextíu rafknúnar kennsluflugvélar frá Bye Aerospace af gerðinni eFlyer 2 sem munu fara í flota flugskólans OSM Aviation Academy.
Þetta er stærsta pöntun sem gerð hefur verið á einu bretti í rafmagnsflugvélar að sögn Espen Høiby, framkvæmdarstjóra OSM Aviation, sem telur
nauðsynlegt að flugiðnaðurinn fari að taka skref í átt að vistvænni flugvélum.
eFlyer flugvélin, sem einnig er þekkt sem Sun Flyer 2, er tveggja sæta rafmagnsflugvél sem framleidd er
af Bye Aerospace í Bandaríkjunum en fyrirtækið hefur verksmiðjur og höfuðstöðvar í Colorado í Bandaríkjunum.
Rekstarkostnaður við eina eFlyer 2 flugvél verður um 2.300 krónur á tímann
Flugvélin er knúin áfram með 80 kílówatta rafmagnsmótor sem vegur 20 kíló og kemur flugvélin
með lithium-ion rafhlöðum og er mótirinn því allt að 90 kílóum léttari en hreyfill í núverandi kennsluflugvélum.
Rekstrarkostnaður flugvélanna mun lækka fimmfalt en að reka kennsluflugvél á borð við Cessna Skyhawk er um 13.000 krónur á tímann en að reka eFlyer 2 flugvélina mun kosta aðeins 2.300 krónur á tímann.
Frá undirritun samningsins sem fram fór á AERO-flugsýningunni í Friedrichshafen
eFlyer 2 er enn að ganga í gegnum prófanir en eitt eintak af slíkri flugvél frá Bye Aerospace kostar samkvæmt listaverði
um 41 milljón króna en fyrsta eintakið verður afhent fyrir lok ársins 2021.
OSM Aviation í Noregi hefur tuttugu kennsluvélar í flotanum í dag en flugskólinn mun nota pöntunina til að skipta út
flugvélum sem ganga fyrir hefðbundnu eldsneyti og einnig þrefalda fjölda kennsluvéla með pöntuninni.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
