flugfréttir
Júmbó-þotan á eitt og hálft ár eftir í flota Virgin
- Hætta með Boeing 747-400 fyrir lok ársins 2020
15. apríl 2019
|
Frétt skrifuð kl. 10:38
„Cosmic Girl“ í flugtaki
Breska flugfélagið Virgin Atlantic hefur gert drög að því að hætta með júmbó-þotuna og hefur félagið tilkynnt að Boeing 747 þoturnar verði farnar úr flotanum fyrir árið 2021.
Júmbó-þotan hefur þjónað Virgin Atlantic allt frá stofnun félagsins árið 1984 og hefur félagið í dag
átta Boeing 747-400 þotur eftir í flotanum en nýjar Airbus A350-1000 þotur munu leysa júmbó-þotuna
af hólmi á næstu mánuðum.
Seinnipart þessa sumars mun Airbus afhenda félaginu fyrstu A350-1000 þotuna sem mun fljúga sitt
fyrsta áætlunarflug frá Heathrow-flugvellinum í London til New York og mun hún leysa af eina
júmbó-þotu og til lok ársins munu aðrar fjórar A350-1000 þotur koma í stað þriggja Boeing 747
þotna sem hverfa úr flotanum til viðbótar.
Gert er ráð fyrir að hinar Boeing 747-400 þoturnar fjórar muni fara úr flotanum árið 2020 en allar
júmbó-þoturnar sem eru í flota Virgin í dag eru frá 18 ára til 23 ára gamlar.
Júmbó-þoturnar átta í flota Virgin í dag heita nöfnunum Ladybird, Tiner Belle, Jersey Girl, Hot Lips,
Barbarella, Forever Young, Pretty Woman og Ruby Tuesday.
Virgin Atlantic ætlaði upphaflega að taka júmbó-þoturnar úr umferð árið 2016 en árið 2015 voru
júmbó-þoturnar 12 talsins. Á fjórum árum hafa Tubular Belle, English Rose, Cosmic Girl og Mustang
Sally farið úr flotanum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
