flugfréttir
Nefnd skipuð til að rannsaka vottunarferli Boeing 737 MAX
- Samgönguráðuneyti Bandaríkjanna skipar sex manna nefnd
23. apríl 2019
|
Frétt skrifuð kl. 07:22
Boeing 737 MAX þoturnar hafa verið kyrrsettar í sex vikur
Samgönguráðuneyti Bandaríkjanna hefur skipað saman sex manna nefnd sem er ætlað að fara yfir það vottunarferli sem átti sér stað á sínum tíma í kjölfar smíði Boeing 737 MAX þotunnar og hafa auga með því vottunarferli sem fer í gang á næstu dögum hjá bandarískum flugmálayfirvöldum (FAA).
Elaine Chao, samgönguráðherra Bandaríkjanna, segir að þeir tveir aðilar sem munu leiða nefndina eru
Lee Moak, fyrrum formaður flugmannasamtakanna APLA og Darren McDew fyrrum stjórnandi yfir samgöngudeild
bandaríska flughersins.
Í tilkynningu segir að nefndinni sé ætlað að fara yfir það vottunarferli sem átti sér stað varðandi Boeing 737 MAX þotuna
milli áranna 2012 og 2017 og koma með tillögur að þeim atriðum sem betur mætti fara hjá bandarískum
flugmálayfirvöldum (FAA) er kemur að vottun nýrra flugvéla í framtíðinni.
Þá er nefndinni ætla að rannsaka með hvaða hætti FAA hafi sett vottunarferil og öryggisskoðanir í hendurnar
á flugvélaframleiðandanum sjálfum en fram hefur komið að Boeing hafi að hluta til framkvæmt vottun á Boeing 737 MAX þotunni sem fór fram innanhúss á meðan venjan er að flugmálayfirvöld sjái alfarið um skoðanir og úttektir sem
tengjast vottun.
Hinir fjórir sem skipa nefndina eru Amy Pritchett, yfirmaður yfir flugverkfræðideild háskólans í Pennsylvaníu, sem
einnig var yfir öryggisdeild bandarísku geimferðastofnunarinnar (NASA), Gretchen Haskins, framkvæmdarstjóri
fyrirtækisins HeliOffshore, Kenneth Hylandier, fyrrum formaður Flight Safety Foundation og David Grizzle, stjórnarformaður
Republic Airways sem var einnig ráðgjafi hjá bandarískum flugmálayfirvöldum (FAA).
Nefndin, sem skipuð var þann 25. mars síðastliðinn, tengist ekki annarri nefnd sem einnig var stofnuð vegna Boeing 737 MAX
málsins sem nefnist JATR-nefndin sem er alþjóðleg nefnd sem er ætlað að rannsaka sérstaklega MCAS-kerfi þotunnar.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
