flugfréttir

Hætta við að panta fleiri Sukhoi-þotur í kjölfar flugslyss

- Yamal Airlines hafði hugsað sér að panta tíu SSJ100 þotur til viðbótar

6. maí 2019

|

Frétt skrifuð kl. 14:56

Sukhoi Superjet 100 þota Yamal Airlines

Eitt rússneskt flugfélag hefur hætt við áform um að panta tíu Sukhoi Superjet 100 þotur til viðbótar en félagið tilkynnti um þetta í morgun, daginn eftir flugslys sem átti sér stað í gær er þota sömu gerðar varð alelda við lendingu á Sheremetyevo-flugvellinum í Moskvu.

Flugvélin, sem var frá Aeroflot, fór í loftið frá Moskvu á leið til Murmansk þegar flugmenn vélarinnar ákváðu að snúa við skömmu eftir flugtak en óstaðfestar heimildir herma að flugvélin hafi fengið eldingu í sig í klifrinu.

Flugvélin varð alelda á brautinni og er talið að eldurinn hafi komið upp um borð fyrir lendingu en 41 lét lífið af þeim 78 sem voru í flugvélinni.

Það er rússneska flugfélagið Yamal Airlines sem hefur ákveðið að hætta við fyrirhugaða pöntun í þoturnar en félagið hefur fengið nú þegar afhentar 15 Sukhoi Superjet 100 þotur.

Flugfélagið tilkynnti afpöntunina aðeins nokkrum klukkustundum eftir að rússneski samgönguráðherrann tilkynnti að ekki væri nein ástæða til þess að kyrrsetja þotunar sem framleiddar eru í Rússlandi.

TASS fréttastofan hefur eftir Vasily Kryuk, yfirmanni Yamal Airlines, að félagið hafi ákveðið að hætta við pöntunina á þeim forsendum að þjónustukostnaður við flugvélarnar væri of hár.

Flak Sukhoi-þotunnar á Sheremetyevo-flugvellinum í gær







  fréttir af handahófi

United gerir ekki ráð fyrir að nota Boeing 757 meira í bili

4. maí 2020

|

United Airlines hefur ákveðið að fljúga ekki Boeing 757 þotunum í bráð og verður ekki gert ráð fyrir þeim í flotanum meira um óákveðinn tíma sem gæti þýtt að félagið muni mögulega hætta með þær.

Flugmenn samþykkja laun og kjör er varðar Project Sunrise

30. mars 2020

|

Flugmenn hjá ástralska flugfélaginu Qantas hafa kosið með Sólarupprásar-verkefninu Project Sunrise sem er framtíðarstefna Qantas í að bjóða upp á beint flug frá Ástralíu til Evrópu og Norður-Ameríku

Emirates mun hefja takmarkað flug að nýju eftir helgi

2. apríl 2020

|

Emirates ætlar að hefja áætlunarflug að nýju í farþegaflugi á mánudaginn eftir helgi, þann 6. apríl, en félagið mun byrja mjög smátt og verður til að byrja með aðeins flogið til einstakra áfangastaða

  Nýjustu flugfréttirnar

Fresta afhendingum á 37 þotum

26. maí 2020

|

Flugvélaleigan AirCap hefur ákveðið að fresta afheningum á 37 flugvélum sem til stóð að veita móttöku og afhenda til flugfélaga á næstu tveimur árum.

An-225 flýgur á ný eftir viðgerð vegna bilunar í hreyfli

26. maí 2020

|

Risavöruflutningaþotan, Antonov An-225 Mriya, hefur hafið sig á loft á ný eftir að hafa verið biluð í þrjá daga í Kanada frá því um helgina en bilun kom upp í einum af sex hreyflum flugvélarinnar.

LATAM sækir um gjaldþrotavernd

26. maí 2020

|

LATAM, eitt stærsta flugfélag Suður-Ameríku, hefur sótt um gjaldþrotavernd og greiðslustöðvun en félagið hefur orðið mjög illa fyrir barðinu á COVID-19 heimsfaraldrinum.

Fyrsta tilraun með eldflaug á vegum Virgin mistókst

25. maí 2020

|

Fyrstu tilraun í eldflaugaprófunum á vegum fyrirtækis í eigu Richard Branson, er snúa að Virgin Orbit verkefninu, mistókst í dag.

Fóru of nálægt hvor annarri á flugvellinum í Hong Kong

25. maí 2020

|

Flugmálayfirvöld í Hong Kong hafa hafið rannsókn á atviki sem átti sér stað er tvær flugvélar fóru of nálægt hvor annarri á Chek Lap Kok flugvellinum í Hong Kong fyrir helgi.

Air France hættir með A380

25. maí 2020

|

Air France hefur tilkynnt að flugfélagið franska hafi tekið þá ákvörðun að hætta með allar Airbus A380 risaþoturnar.

Hluti af stéli losnaði af Boeing 737 þotu

25. maí 2020

|

Hluti af stéli losnaði af farþegaþotu af gerðinni Boeing 737-800 frá flugfélaginu Swift Air en í ljós kom að framlenging á stélinu var ekki á sínum stað er flugvélin lenti á flugvellinum í San Diego

Ætla ekki að losa sig við neinar A380 risaþotur

23. maí 2020

|

Tim Clark, forstjóri Emirates, blæs á þær sögusagnir sem ganga um að Emirates eigi eftir að hætta með flestar Airbus A380 risaþoturnar.

Ítalskir flugvellir opna á ný þann 3. júní

21. maí 2020

|

Stjórnvöld á Ítalíu segja að til standi að opna næstum alla flugvelli í landinu á ný fyrir farþegaflugi þann 3. júní næstkomandi og geta flugfélög þá byrjað að fljúga aftur til landsins með ferðamenn

Flugmenn bjóðast til að taka á sig 45 prósenta launalækkun

21. maí 2020

|

Félag belgískra atvinnuflugmanna hefur boðið stjórn Brussels Airlines að taka að sér launalækkun og vinnutímaskerðingu upp á 45 prósent fram til ársins 2023.

 síðustu atvik

  2019-01-01 20:20:00