flugfréttir

Tilkynning vegna umfjöllunar um stöðvun flugvélar ALC

10. maí 2019

|

Frétt skrifuð kl. 16:45

Ein af þeim Airbus A321 þotum sem WOW air hafði í flota sínum á Keflavíkurflugvelli í apríl árið 2018

Isavia hefur sent frá sér tilkynningu vegna umfjöllunar í fjölmiðlum síðustu daga vegna máls er varðar Airbus A321 þotu sem kyrrsett hefur verið á Keflavíkurflugvelli frá gjaldþroti WOW air en þotan er í eigu flugvélaleigunnar Air Lease Corporation.

Fram kemur að mikið hafi verið rætt og ritað í fjölmiðlum síðustu daga um forsendur og málsástæður ákvörðunar Isavia um að stöðva för flugvélar flugvélaleigusalans ALC vegna ógreiddra notendagjalda WOW air á Keflavíkurflugvelli.

Í Viðskiptablaðinu sl. miðvikudag er haft eftir lögmanni ALC að það hafi vakið athygli hans að í upphaflegri greiðsluáætlun WOW air, og þeirri sem síðar var undirrituð af forstjóra WOW, hafi ákvæði um að ein vél WOW skyldi ávallt vera á Keflavíkurflugvelli verið tekið út.

Sagði lögmaður ALC það afhjúpa það sem hann kallar ásetning og hugræna afstöðu Isavia til gjörningsins: „Þeir vita að það þolir ekki dagsljósið að áskilja sér tryggingu í eign þriðja manns fyrir slíkri skuldasöfnun.“

Rétt er að halda því til haga að það var að beiðni WOW air að hafa tvö aðskilin gögn um málið. Annars vegar greiðsluáætlun og hins vegar yfirlýsingu um að ein flugvél WOW yrði ávallt á Keflavíkurflugvelli eða á leið þangað.

Gera má ráð fyrir að lögmanni ALC sé fullkunnugt um þetta. Enn einu sinni notar hann fjölmiðla til þess að bera á borð fullyrðingar um stjórnendur Isavia sem ekki standast skoðun. Farið er af stað með dylgjur í garð þeirra sem tóku erfiðar ákvarðanir um rekstur Isavia – ákvarðanir sem teknar voru á viðskiptalegum forsendum með hag Isavia að leiðarljósi.

Í umræðunni hefur lögmaður ALC einnig borið það á borð að leigusalinn hafi ekki verið upplýstur um stöðu mála. Mikilvægt er að benda á að í leigusamningi ALC við WOW air vegna umræddrar vélar eru ýmis ákvæði um skipan mála. 

• Þar eru ákvæði um hvernig haga beri málum ef flugvél ALC yrði kyrrsett vegna notendagjalda á flugvelli.

• Þar er ákvæði sem benda til að leigusali hafi verið meðvitaður um möguleikana að greiða þurfi gjöld af öllum vélum vegna einnar kyrrsettrar.

• Grein þess efnis að WOW air skuli, áður en flugvélin er afhent, láta ALC í té lögfræðiálit um íslenska löggjöf og lagaframkvæmd vegna flugvélarinnar.

• Í leigusamningnum er einnig ákvæði sem heimilar ALC hvenær sem er að afla upplýsinga frá Isavia um skuldastöðu WOW air gagnvart flugvellinum.

Þá hefur í fjölmiðlum verið rætt um mögulega skaðabótaábyrgð Isavia í málinu. Rétt er að ítreka að Isavia hefur ekki staðið í vegi fyrir því að afhending flugvélarinnar fari fram gegn viðunandi tryggingu – svo sem eins og bankatryggingu, með fyrirvara um lögmæti kröfunnar.

Síðan mætti takast á um ágreininginn fyrir dómstólum. Það er ákvörðun leigusalans að fara ekki þá leið.







  fréttir af handahófi

Ferðabannið hefur áhrif á 17.000 flugferðir yfir Atlantshafið

12. mars 2020

|

Ferðabann á milli Bandaríkjanna og Evrópu, sem mun taka í gildi á morgun, mun hafa áhrif á allt að 17.000 flugferðir sem fyrirhugaðar er fram og til baka yfir Atlantshafið næstu 30 daga.

Compass Airlines hættir rekstri vegna COVID-19

20. mars 2020

|

Bandaríska flugfélagið Compass Airlines hefur tilkynnt að félagið muni hætta starfsemi þann 7. apríl.

Þrír yfirmenn Air Namibia reknir í kjölfar rannsóknar

5. mars 2020

|

Þrír stjórnendur hjá Air Namibia hafa verið reknir frá félaginu í tengslum við rannsókn sem fram fer á rekstri félagsins.

  Nýjustu flugfréttirnar

Emirates SkyCargo flýgur með frakt til 30 nýrra áfangastaða

2. júní 2020

|

Emirates SkyCargo, fraktflugfélag Emirates, hefur aukið umsvif sín til muna frá því í mars í kjölfar kórónaveirufaraldursins og hefur áfangastöðum félagsins fjölgað töluvert.

Lækka skatta fyrir flugfélög á Grikklandi

1. júní 2020

|

Ríkisstjórnin á Grikklandi hefur ákveðið að verja 115 milljónum evra í obinbera aðstoð og björgunaraðgerða til flugiðnaðarins í landinu sem samsvarar 17 milljörðum króna.

Stefna á að bjarga South African í stað stofnun nýs flugfélags

1. júní 2020

|

Svo gæti farið að rekstri South African Airways sé mögulega bjargað fyrir horn en erlendir fréttamiðlar hafa birt gögnum sem lekið var í morgun sem sýna björgunaráætlun suður-afrísku ríkisstjórnarin

Láta af hendi 48 lendingarpláss í Frankfurt og Munchen

1. júní 2020

|

Stjórn Lufthansa hefur samþykkt að uppfylla kröfur þýska ríkisins og láta af hendi lendingar- og afgreiðslupláss á flugvöllunum í Frankfurt og í Munchen í skiptum fyrir fjárhagsaðstoð upp á 9 milljar

Um 60.000 störf í hættu ef SmartWings fer í gjaldþrot

29. maí 2020

|

Óttast er að það gæti haft áhrif á allt að 60.000 störf sem eru í hættu ef tékkneska fyrirtækið SmartWings Group verður gjaldþrota en fyrirtækið á meðal annars flugfélagið Czech Airlines.

Kínversk flugfélög fljúga fleiri flugferðir en þau bandarísku

29. maí 2020

|

Fleiri flugferðir áttu sér stað í farþegaflugi í Kína í maí heldur en í Bandaríkjunum og er þetta í fyrsta sinn sem farþegaflugið í Kína nær farþegafluginu í Bandaríkjunum er kemur að fjölda flugferð

Lenti á lokaðri flugbraut til þess að komast á ströndina

29. maí 2020

|

Slökkvilið á herflugvelli í Wales í Bretlandi þurfti að hafa afskipti af flugmann einum sl. mánudag eftir að hann lenti flugvél sinni þrátt fyrir að flugvöllurinn var lokaður.

Umhverfisvænni aðferð prófuð til að aka flugvélum á Schiphol

28. maí 2020

|

Hollenska flugfélagið KLM Royal Dutch Airlines hefur hafið tilraunir með sjálfbæra tækni við akstur flugvéla á Schiphol-flugvellinum í Amsterdam.

EasyJet stefnir á að segja upp um þriðjung starfsfólks

28. maí 2020

|

Breska lágfargjaldafélagið easyJet segir að til standi að segja upp um 30 prósent af öllu starfsfólki á næstunni sem samsvarar 4.500 starfsmönnum og þá stendur einnig til að fækka flugvélunum í flot

American hætt við að sækja um gjaldþrotavernd

27. maí 2020

|

American Airlines er hætt við áform um að sækja um gjaldþrotavernd og greiðslustöðvun en Doug Parker, framkvæmdarstjóri félagsins, segir að eftirspurnin hafi verið að aukast sl. daga.

 síðustu atvik

  2019-01-01 20:20:00