flugfréttir

Flugáhugamenn fjölmenntu við komu þristanna í gærkvöldi

- Þrjár Douglas DC-3 og C-47A Skytrain flugvélar lentu í Reykjavík

21. maí 2019

|

Frétt skrifuð kl. 07:10

Þrír af þristunum fjórum, sem komu til landsins í gær, lentu á Reykjavíkurflugvelli en sá fjórði lenti í Keflavík rétt fyrir miðnætti

Það var þónokkur fjölmennur hópur sem hafði safnast saman við grindverkið bakvið Hótel Loftleiði út á Reykjavíkurflugvelli í gærkvöldi til þess að berja augu hluta af þeim ellefu þristum sem eru þessa daganna að fljúga yfir Atlantshafið frá Bandaríkjunum á leið til Evrópu með viðkomu á Íslandi.

Fyrstu „þristurinn“ kom við í fyrradag sem var „Clipper Tabitha May“ sem kemur í litum Pan American World Airways sem var upphaflegt nafn Pan Am sem var eitt stærsta flugfélag heims á sínum tíma og er enn eitt þekktasta nafn allra flugfélaga í flugsögunni.

Í gærkvöld komu svo þrír „þristar“ til viðbótar til landsins og komu tveir nánast í samfloti upp að landinu frá Faxaflóanum eftir tæplega 5 klukkustunda flug frá Narsarsuaq á Grænlandi þar sem vélarnar tóku eldsneyti en upphaflega lögðu þristarnir af stað frá Presque Isle í Maine í Bandaríkjunum sl. sunnudag (19. maí) og höfðu fyrstu viðkomu í Gæsaflóa á Nýfundnalandi áður en haldið var til Grænlands.

Miss Virginia kemur á svæðið norðan við Loftleiðahótelið og tekur sér stæði

Fyrsti þristurinn sem lenti var Douglas C-47A Skytrain (DC-3), (N74589) en sú vél er smíðuð árið 1942 og er því 77 ára gömul. Vélin tók einn hring við Voga á Vatnsleysuströnd, mögulega til þess að hinkra eftir flugvél númer tvö sem var 20 mínútum á eftir svo þær gætu lent á svipuðum tíma á Reykjavíkurflugvelli.

Tollgæslan við „Miss Virginia“ skömmu eftir að vélin lagði í stæðið við hlið N47E sem lenti fyrst

Ekki voru allir gestir vissir um hvaða braut vélarnar myndu lenda á en á þeim tíma sem N74589 kom upp að Reykjavík var braut 31 í gangi fyrir einkaflugvélar og 19 í gangi fyrir áætlunarflug og stærri vélar og var hópur fólks sem hafði safnast saman á göngubrúnni við N1 við Hringbraut.

Skömmu áður höfðu þrjár flugvélar notað braut 19 og þar á meðal Bombardier Q400 vél Air Iceland Connect, Mýflug og Jetstream-flugvél frá Erni sem komu yfir Tjörnina en fyrsti þristurinn kom upp að „Romeo Kilo“ á Seltjarnarnesi og tók þaðan beygjuna beint inn á braut 13 og lenti klukkan 20:34.

Hljóðið frá mótorunum sínfónía út af fyrir sig

Örfáum mínútum síðar lenti þristur númer tvö, „Miss Virginia“, (N47E), sem er af gerðinni Douglas DC-3 en sú flugvél er smíðuð árið 1943. Báðar vélarnar lögðu á hlið við hlið norðan við Loftleiðahótelið og var skilið eftir pláss fyrir þriðja þristinn sem átti 55 mínútur eftir óflogið til Reykjavíkur þegar fyrstu tveir höfðu drepið á mótorunum.

Olíuilmurinn frá flugvélunum var alveg í stíl við hljóðið frá mótorunum sem flestir flugnördar líkja við sinfóníu enda ekki laust við að hægt sé að finna fyrir anda stríðsáranna við hljóminn.

Þriðji þristurinn, „Legend Airways“ snéri við á 13 og ók inn á 06 og að stæði

Þriðji þristurinn, og sá síðasti til að lenda í Reykjavík í gær, var af gerðinni Douglas DC-3 og ber sá skráninguna N25641. Sá kemur í litum „Legend Airways“ og birtist hann suðurvestur af Reykjavík og kom upp að landi yfir Álftanesi og tók krók yfir Kópavog, inn á aðflug að braut 31 og kom yfir Öskjuhlíðina í kvöldsólargeislum sem létu sjá sig við lendingu klukkan 21:34.

Þristarnir þrír í kvöldroðanum á ellefta tímanum í gærkvöldi

Fjórði þristurinn, N47TB, náði ekki til Reykjavíkur áður en flugturninn lokar fyrir umferð um völlinn klukkan 23:00 og lenti sú flugvél þess í stað á Keflavíkurflugvelli klukkan 23:50.

Til stendur að þristarnir verði til sýnis fyrir almenning í dag og á morgun

Þristarnir löðuðu að sér marga flugáhugamenn auk ljósmyndara en þá voru einnig margir íslenskir flugmenn, bæði atvinnuflugmenn, einkaflugmenn auk eldri flugkappa, sem lögðu leið sína til að skoða þristana og spjalla saman - enda hið fínasta vorveður í gærkvöldi þrátt fyrir að ekki hafi mikið sést til sólar.

Hér að neðan má bæði sjá myndband og ljósmyndir af þristunum þremur sem verða hér á landi fram á miðvikudag en von er á allt að sex þristum til viðbótar í dag.

Fleiri myndir - (myndband fyrir neðan)



























Myndband:







  fréttir af handahófi

Brasilíska flugfélagið GOL hættir við 34 MAX-þotur

15. apríl 2020

|

Brasilíska flugfélagið GOL Linhas Aéreas Inteligentes hefur hætt við pöntun í 34 Boeing 737 MAX þotur og náð samkomulagi um skaðabótagreiðslur frá Boeing vegna þeirra áhrifa sem vandamálið með MAX-þo

Panta 100 flugvélar frá COMAC

12. júní 2020

|

Kínverski flugvélaframleiðandinn COMAC hefur gert samkomulag við kínverskt flugfélag sem hyggst leggja inn pöntun í 100 þotur af gerðinni ARJ21 og C919.

Flugmenn bjóðast til að taka á sig 45 prósenta launalækkun

21. maí 2020

|

Félag belgískra atvinnuflugmanna hefur boðið stjórn Brussels Airlines að taka að sér launalækkun og vinnutímaskerðingu upp á 45 prósent fram til ársins 2023.

  Nýjustu flugfréttirnar

Icelandair og airBaltic í samstarf

13. júlí 2020

|

Icelandair og lettneska flugfélagið airBaltic hafa hafið samstarf með undirritun samstarfssamning um sameiginlega útgáfu á farmiðum.

American íhugar að hætta við á annan tug 737 MAX flugvéla

13. júlí 2020

|

American Airlines er að íhuga að hætta við hluta af pöntun sinni í Boeing 737 MAX vélarnar og hefur staðan því breyst töluvert þar sem að aðeins eru tvær vikur síðan að flugfélagið bandaríska lýsti

Yfir 80 starfsmönnum hjá Ryanair í Belgíu sagt upp

9. júlí 2020

|

Ryanair hefur ákveðið að segja upp 40 flugmönnum og fjörutíu flugfreyjum og flugþjónum í Belgíu.

LEVEL France hættir starfsemi

9. júlí 2020

|

Flugfélagasamsteypan IAG (International Airlines Group) tilkynnti í gær að dótturfélagið LEVEL France myndi hætta starfsemi sinni.

Flugþjóns frá PIA saknað eftir viðdvöl í Toronto

9. júlí 2020

|

Ekkert hefur spurst til flugþjóns frá Pakistan International Airlines (PIA) sem saknað hefur verið eftir að áhöfn flugfélagsins pakistanska hafði viðdvöl í Toronto í Kanada.

Air Namibía svipt leyfi til þess að fljúga farþegaflug

9. júlí 2020

|

Ríkisstjórn Namibíu hefur svipt flugfélaginu Air Namibia leyfi til þess að fljúga áætunarflug og leiguflug með farþega þar sem að félagið hefur ekki náð að afla nægilegs fjármagns til þess að sína fr

Air Mauritius auglýsir fimm farþegaþotur til sölu

8. júlí 2020

|

Flugfélagið Air Mauritius hefur sett á sölu fimm farþegaþotur og er óskað eftir tilboðum í þoturnar.

United gæti þurft að segja upp 36.000 starfsmönnum í haust

8. júlí 2020

|

Bandaríska flugfélagið United Airlines tilkynnti í gær að félagið þyrfti mögulega að grípa til risahópuppsagna þar sem kórónaveirufaraldurinn er farinn að hafa verulega slæm áhrif á rekstur félagsin

Kjarasamningur við flugfreyjur felldur í atkvæðagreiðslu

8. júlí 2020

|

Flugfreyjur og flugþjónar Icelandair, sem eru félagsmenn í Flugfreyjufélagi Íslands, hafa fellt þann kjarasamning sem skrifað var undir í lok júní en atkvæðagreiðsla tók við í kjölfar samningsins og

El Al ríkisvætt þangað til að nýir fjárfestar finnast

8. júlí 2020

|

Ríkisstjórnin í Ísrael ætlar sér að taka við rekstri flugfélagsins El Al Israel Airlines og verður flugfélagið ríkisvætt þangað til að nýir fjárfestar finnast.

 síðustu atvik

  2019-01-01 20:20:00