flugfréttir
Söguganga um Öskjuhlíð og Nauthólsvík með Friðþóri Eydal
- Áhugafólki gefst kostur á að fræðast um hersetuna og upphaf flugvallarins
Sögugangan hefst kl. 17:30 þriðjudaginn 28. maí næstkomandi og er gengið frá flugturninum á Reykjavíkurflugvelli
Næstkomandi þriðjudag mun almenningi, flugáhugafólki og þeim sem gaman hafa af sögu hersetunnar og sögu Reykjavíkurflugvallar, bjóðast einstakt tækifæri á að fræðast um sögu flugvallarins í fræðslugöngu sem fram fer í Öskjuhlíð og Nauthólsvík.
Gangan, sem fer fram þriðjudaginn 28. maí, er í boði Isavia og fer hún fram undir leiðsögn Friðþórs Eydals en hann er starfsmaður hjá félaginu og hefur hann ritað fjölda bóka um hersetuna og umsvif erlendra herja á Íslandi.
Upphaf Reykjavíkurflugvallar má rekja til hersetu landsins í síðari heimsstyrjöld. Hann er raunar, ásamt Keflavíkurflugvelli, minnismerki um þá víðsjárverðu tíma sem skópu örlög heimsins og íslensku þjóðarinnar.
Séð yfir Reykjavíkurflugvöll á stríðsárunum
Á flugvellinum og í næsta nágrenni við hann eru víða merki um margvísleg umsvif á stríðsárunum, einkum í Öskjuhlíð og Nauthólsvík þar sem allmargar minjar um þessa merku sögu hafa verið merktar á viðeigandi hátt með glæsilegum söguskiltum.
Gangan hefst við flugturninn á Reykjavíkurflugvelli kl. 17.30 og lýkur á sama stað kl. 19. Sögungangan er hluti af viðburðum í tengslumvið aldarafmæli flugs á Íslandi í ár en þann 3. september í haust verða 100 ár liðin
síðan flugvél hóf sig til flugs í fyrsta sinn á Íslandi.
Flugið og flugstarfsemi eru síðan orðin stór hluti af sögu þjóðarinnar og skipa merkan sess í samgöngu- og atvinnuþróun landsins. Vagga flugsins stóð í Vatnsmýrinni í Reykjavík og þar var gerður flugvöllur sem lengi hefur verið miðstöð flugstarfsemi í landinu.
Reykjavíkurflugvöllur og Isavia munu í samstarfi við Flugmálafélag Íslands minnst þessara merku tímamóta í sögu þjóðarinnar með margvíslegum hætti.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.