flugfréttir
Hvetur farþega til að hafa traust á öryggismálum í fluginu
- Segir að umræðan með Boeing 737 MAX rýri traust fólks á flugöryggi
Boeing 737 MAX þota hjá Garuda Indonesia
Yfirmaður Samtaka flugfélaga í Asíu og á Kyrrahafssvæðinu (AAPA) hvetur farþega til að láta ekki umfjöllun fjölmiðla og umræður á samfélagsmiðlum gangvart Boeing 737 MAX hafa áhrif á traust þeirra á flugiðnaðinum þrátt fyrir þá erfiðleika sem Boeing 737 MAX hefur gengið í gegnum undanfarnar vikur.
Andrew Herdman, yfirmaður Association of Asia Pacific Airlines, tekur fram að öryggið í flugiðnaðinum sé gríðarlegt
og stanslausar endurbætur eigi sér stað milli ára og sé það eitthvað sem gleymist þegar umræðan skorðast einungis
við neikvæðu hlutina.
Bæði Boeing og Bandarísk flugmálayfirvöld (FAA) hafa verið gagnrýnd af fjölmiðlum og stjórnvöldum vegna Boeing 737
MAX sem hafa spurt sig varðandi hvert álit almennings verður eftir að þotan fær aftur leyfi til þess að hefja sig á loft.
Þá hafa nokkrar kannanir verið gerðar sem hafa sýnt fram á að einhverjir farþegar eigi eftir að verða tregir til þess að vilja
fljúga með Boeing 737 MAX fyrst um sinn.
Iðnaður sem snýst um öryggi en ekki bara viðskipti
„Það sem er nauðsynlegt að skilja er að þetta er ekki iðnaður sem setur viðskiptin í fyrsta sætið heldur öryggið“, segir
Herdman. - „Það á við á öllum sviðum. Í framleiðslu, í hönnun og í starfsemi flugfélaga“.
Andrew Herdman, yfirmaður Association of Asia Pacific Airlines
Herdman bætir við að þetta snúist ekki bara um Boeing eða FAA heldur allt kerfið í heild sinni þar
sem allir aðilar, sem koma að flugi, leggjast á eitt sem er að uppfylla alþjóðlega staðla sem heyra
undir Alþjóðaflugmálastofnunina (ICAO).
„Ef við skoðum tölfræðina þá áttu sér stað eitt flugslys fyrir hverja 1 milljón flugferð fyrir 15 árum síðan.
Það var fyrir 15 árum síðan. Í dag eru það eitt slys á hverja 5 milljónir flugferða. Árið 2017
var ekkert flugslys skráð í fluginu“, segir Herdman.
Herdman tekur fram að auðvitað séu það alltaf farþegar sem taka ákvörðun varðandi afstöðu þeirra til
þess trausts sem þeir hafa á fluginu og sé það mismunandi eftir löndum. Hvert land lútar þeim
reglum sem sett eru af flugmálayfirvöldum í sínu landi og fara flest lönd eftir reglugerðum frá ICAO.
„Það þurfa allir að hafa trú á því að öryggisferlið er enn til staðar og þetta snýst ekki bara um að reyna að
endurheimta traust farþega. Það verða gerðar endurbætur með tilliti til niðurstaðna úr rannsóknum
og flugmálayfirvöld munu vinna saman um að grípa til viðeigandi ráðstafana“.
Herdman segir að almenningur hafi verið frekar ringlaður varðandi ákvörðunina um að kyrrsetja
Boeing 737 MAX þar sem sum lönd gripu fyrst til aðgerða á meðan önnur lönd héldu áfram að fljúga
þotunum þar til hún varð kyrrsett að lokum um allan heim.
„Ríki heimsins og allur iðnaðurinn þarf að finna leið til að viðhalda trausti almennings betur en
það sem átti sér stað núna seinast“, bætir Herman við.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.