flugfréttir
Airbus ætlar að bæta við sjöttu Beluga XL flugvélinni
- Upphaflega var stefnt á að smíða fimm eintök
11. júní 2019
|
Frétt skrifuð kl. 10:02
Beluga XL á flugi í febrúar á þessu ári
Airbus hefur ákveðið að smíða sjöttu Beluga XL flutningaflugvélina en framleiðandinn tilkynnti um nýja kynslóð af Beluga-flugvélinni í nóvember árið 2014 og hafa þrjú eintök verið smíðuð í dag.
Upphaflega ætlaði Airbus sér að framleiða fimm Beluga XL flutningavélar til að leysa af hólmi
Beluga-vélarnar sem einnig eru þekktar sem Airbus A300-600ST.
Airbus hefur nú ákveðið að bæta þeirri sjöttu við til að koma til móts við aukna þörf eftir flutningum
á íhlutum milli verksmiðja í tengslum við aukinn framleiðsluhraða á Airbus A350-900 þotunni
og einnig aukna framleiðslu á Airbus A320neo þotunni.
Airbus stefnir á að afhenda 880 flugvélar á þessu ári eða um 63 þotur á mánuði sem kallar á
fleiri flugferðir með flugvélaíhluti frá verksmiðjum til þeirra staða þar sem Airbus-þotur fara
í lokasamsetningu.
Tvær Beluga XL flugvélar hafa tekið þátt í flugprófunum en verið er að setja saman þá þriðju í
Toulouse en á meðan eldri vélarnar voru byggðar á Airbus A300 þá byggir Beluga XL á Airbus A330.
Fyrsta Beluga XL flutningaflugvélin flaug sitt fyrsta flug þann 19. júlí í fyrra og fer flugprófunum með
þá flugvél að ljúka á næstunni.
Sérstakt vottunarferli tilheyrir Beluga XL flugvélinni þar sem ýmsar breytingar eiga sér stað þegar
þeim er breytt úr hefðbundinni Airbus A330 þotu og munu þær fljúga undir sérstöku flugrekstrarleyfi
á vegum flugmálayfirvalda í Evrópu (EASA).
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
