flugfréttir

Super King Air endaði á flugskýli eftir flugtak í Texas

- Enginn komst lífs af eftir flugslys á Addison-flugvellinum í Dallas í gær

1. júlí 2019

|

Frétt skrifuð kl. 14:13

Flugvélin endaði á flugskýli á flugvellinum rétt eftir að hún hóf sig á loft

Enginn komst lífs af í flugslysi í Bandaríkjunum er flugvél af gerðinni Super King Air endaði á flugskýli skömmu eftir flugtak frá litlum flugvelli norður af Dallas í gær.

Um borð í vélinni voru 10 manns og fór hún í loftið frá Addison-flugvellinum skammt norður af Dallas og var förinni heitið til St. Petersburg í Flórída.

Fram kemur að vélin hafi ekki náð nægilegu klifri eftir að hún hóf sig á loft frá brautinni og geigaði hún til vinstri í lágri hæð yfir jörðu og endaði á stóru flugskýli á flugvallarsvæðinu. Mikill eldur kom upp og steig svartur reykjarmökkur til himins.

Fram kemur að í vélinni voru 8 farþegar og tveir flugmenn og komst enginn lífs af. Flugskýlið var mannlaust er slysið átti sér stað en ein einkaþota og þyrla, sem voru í flugskýlinu, urðu fyrir skemmdum.

Flugvélin sem fórst í gær (N534FF)

David Snell, einn flugmaður, sem var að undirbúa flugferð með vini sínum í gærmorgun, varð vitni að slysinu og segir að hljóðið frá vélinni hafi ekki verið með eðlilegum hætti í flugtakinu. - „Það var greinilegt að aflið minnkaði. Ég er ekki viss hvort að flugmaðurinn dró sjálfur úr aflinu eða ekki en næst þá byrjar vélin að leita til vinstri og það sást að flugvélin var ekki að ná almennilegri klifri“, segir Snell.

Annar sjónarvottur telur að flugvélin hafi varla náð 200 feta hæð yfir jörðu þar til hún fór að missa þá litlu hæð sem vélin hafði náð.

Flugumferðarstjóri tilkynnti öðrum flugvélum á flugvellinum að búast ekki við því að komast í loftið á næstunni þar sem það hafði átt sér stað flugslys. Samgönguöryggisnefnd Bandaríkjanna (NTSB) og bandarísk flugmálayfirvöld (FAA) rannsaka nú tildrög slyssins.







  fréttir af handahófi

Panta sextíu Airbus A220 þotur

30. júlí 2019

|

Air France hefur tilkynnt um pöntun í allt að 120 þotur af gerðinni Airbus A220 sem áður hétu CSeries, framleiddar af Bombardier, en félagið hefur gert samkomulag við Airbus um 60 slíkar þotur með mö

Freista þess að láta IAG hætta við Boeing og taka frekar Airbus

21. júní 2019

|

Airbus er sagt ætla að reyna að bjóða International Airlines Group (IAG), móðurfélagi British Airways, betri samning en þann sem flugfélagasamsteypan gerði við Boeing sl. þriðjudag er undirritað var

Boeing mun greiða 12 milljarða króna til aðstandenda

3. júlí 2019

|

Boeing mun greiða yfir 12 milljarða króna í bætur til fjölskyldna og aðstandenda þeirra sem létust í flugslysunum tveimur hjá Ethiopian Airlines og Lion Air en alls voru 346 sem týndu lífi í slysunum

  Nýjustu flugfréttirnar

Gera ekki ráð fyrir 737 MAX fyrr en eftir áramót

17. ágúst 2019

|

Icelandair hefur nú uppfært flugáætlun sína til ársloka. Félagið gerir ekki ráð fyrir Boeing 737 MAX vélum í rekstri fyrir þann tíma og hefur aðlagað flugáætlun sína í samræmi við það og aðra þróun á

Vilja að hæstiréttur komi í veg fyrir boðað verkfall flugmanna

16. ágúst 2019

|

Ryanair hefur biðlað til hæstaréttar Írlands um að grípa í taumana og koma í veg fyrir fyrirhugaðar verkfallsaðgerðir meðal írskra flugmanna sem stefna á að leggja niður störf sín í næstu viku.

Flugvél hlekktist á í Svefneyjum á Breiðafirði

15. ágúst 2019

|

Lítilli flugvél hlekktist á í lendingu á Svefneyjum á Breiðafirði seinnipartinn í dag.

Cabo Verde Airlines tekur í notkun Boeing 737-300 þotu

15. ágúst 2019

|

Cabo Verde Airlines, flugfélagið á Grænhöfðaeyjum, hefur tekið í notkun Boeing 737-300 þotu sem félagið mun nota til þess að fljúga áætlunarflug frá Nelson Mandela flugvellinum við bæinn Praia til Li

Brotlenti er flugmaðurinn teygði sig í hurð sem hafði opnast

15. ágúst 2019

|

Rannsóknarnefnd samgönguslysa í Bandaríkjunum (NTSB) telja að orsök flugslyss, er lítil flugvél af gerðinni Cessna 170 brotlenti í Bandaríkjunum árið 2017, megi rekja til þess að flugmaður gerði tilr

Tvær þotur frá Qantas of nálægt hvor annarri í Sydney

14. ágúst 2019

|

Atvik átti sér stað á flugvellinum í Sydney á dögunum er tvær farþegaþotur frá Qantas fóru of nálægt hvor annarri.

Taka á leigu Boeing 737-200 til að fylla í skarð 737 MAX

13. ágúst 2019

|

Mikil eftirspurn er núna eftir gömlum Boeing 737 þotum vegna kyrrsetningar á Boeing 737 MAX þotunum en þetta er haft eftir flugvélaleigum sem leigja út flugvélar til flugfélaga.

Norwegian hættir öllu flugi yfir Atlantshafið frá Írlandi

13. ágúst 2019

|

Norwegian hefur ákveðið að hætta öllu áætlunarflugi yfir Atlantshafið á milli Írlands og Norður-Ameríku.

Festi hjólastellið í holu í brautinni fyrir flugtak

13. ágúst 2019

|

Lítil farþegaflugvél þurfti að hætta við flugtak í Kenýa í Afríku sl. sunnudag eftir að í ljós kom að dekkin á öðru aðalhjólastellinu voru föst í holu í flugbrautinni.

American mun fljúga til Íslands frá Philadelphia

13. ágúst 2019

|

American Airlines hefur ákveðið að breyta flugáætlun sinni til Íslands fyrir sumarið 2020 og bjóða upp á flug milli Keflavíkurflugvallar og Philadelphia en á móti ætlar félagið að hætta flugi milli Í