flugfréttir

Delta segir formlega skilið við Boeing eftir 50 ára viðskipti

- Síðasta Boeing þotan afhent - Eiga von á yfir 260 nýjum þotum frá Airbus

10. júlí 2019

|

Frétt skrifuð kl. 16:24

Airbus A350 þota Delta Air Lines á flugvellinum í Atlanta en félagið valdi A350 og hafnaði tilboði í Boeing 777 á sínum tíma

Eftir að hafa verið viðskiptavinur Boeing í 50 ár og fengið reglulega nýjar flugvélar frá framleiðandanum frá sjöunda áratug síðustu aldar þá mun Delta Air Lines ekki fá fleiri þotur eftir að síðasta Boeing 737-900ER þotan var afhent til félagsins á dögunum.

Segja má að Delta hafi hægt og rólega verið að færa sig yfir í Airbus með því að velja þotur frá evrópska flugvélarisanum og hafnað nokkrum tilboðum frá Boeing sem varð til þess að pöntunarlisti Delta til Boeing hefur endaði á núlli.

Næstu þotur munu allar koma frá Airbus en Delta Air Lines á von á yfir 260 nýjum Airbus-þotum af gerðinni Airbus A220, Airbus A321, A321neo, Airbus A330neo og Airbus A350.

Delta hefur í dag 917 flugvélar í flotanum sem gerir félagið eitt stærsta flugfélag í heimi er kemur að flugvélafjölda en 58% flotans samanstendur af flugvélum frá Boeing.

Delta Air Lines lagði inn sína síðustu pöntun til Boeing í ágúst árið 2011 í eitt hundrað þotur af gerðinni Boeing 737-900ER auk þess sem félagið bætti tíu þotum við pöntunina í desember árið 2015 og aðrar tíu til viðbótar í apríl 2017.

Nýjasta og síðasta Boeing 737-900ER þota Delta er einnig ein af þeim síðustu Boeing 737NG þotum sem eru að koma út af færibandinu hjá Boeing í verksmiðjunum í Renton.

N930DZ er síðasta flugvélin sem Delta Air Lines tekur við frá Boeing en félagið hefur engar pantanir lengur inni hjá Boeing í fyrsta sinn í marga áratugi

Þetta er í fyrsta sinn sem Delta Air Lines hefur lokað dyrnar fyrir Boeing en félagið fékk fyrstu þotuna frá framleiðandanum árið 1970 sem var júmbó-þota af gerðinni Boeing 747-100.

Detla Air Lines gaf sér góðan tíma í að ákveða hvort félagið myndi leggja inn pöntun í Boeing 737 MAX eða Airbus A320neo og á endanum varð Airbus fyrir valinu en félagið lagði inn pöntun í 100 þotur af gerðinni A321neo í desember árið 2017 og hefjast afhendingar á þeim á næsta ári.

Ein af þeim mörgum Airbus A321neo þotum sem Delta Air Lines á von á því að fá á næstu árum

Þá pantaði Delta 95 eintök af CSeries-þotunni hjá Bombardier sem síðar varð Airbus A220 og þá á félagið eftir að fá 43 eintök af Airbus A321 þotum sem félagið notar til að skipta út gömlum McDonnell Douglas MD88 og MD-90 þotum.

Þá varð það mikið reiðarslag fyrir Boeing er Delta lagði inn pöntun árið 2014 til Airbus í 50 breiðþotur af gerðinni Airbus A330neo og Airbus A350 og hafnað tilboði Boeing í Boeing 777 og Boeing 787.

Delta Air Lines hefur verið viðskiptavinur Boeing frá því félagið tók við sinni fyrstu Boeing 747-100 júmbó-þotu árið 1970







  fréttir af handahófi

Biðja um aðstoð við að finna brak úr hreyfli af Airbus A220

21. ágúst 2019

|

Sérfræðingar hjá rannsóknardeild flugslysa í Frakklandi (BEA) hafa biðlað til almennings í tilteknu svæði í Frakklandi um aðstoð við leit að braki sem féll úr hreyfli á Airbus A220-300 (CSeries CS300

Flugvél hlekktist á í flugtaki í Rangárþingi

27. júlí 2019

|

Tilkynnt var um flugslys á þriðja tímanum í dag á flugvellinum á Haukadalsmelum í Rangárþingi er lítilli flugvél hlekktist á í flugtaki.

Rússar hafa áhuga á fjartengdri flugumferðarstjórnun

2. september 2019

|

Stjórnvöld í Rússlandi hafa lýst yfir áhuga fyrir því að koma upp fjartengdri flugumferðarstjórnun á nokkrum flugvöllum í landinu þar sem flugumferðinni væri þá stjórnað úr flugturni sem staðsettur e

  Nýjustu flugfréttirnar

Norwegian selur fimm Boeing 737-800 þotur

18. október 2019

|

Norwegian hefur gengið frá sölu á nokkrum Boeing 737-800 þotum sem félagið hefur selt til fyrirtækis í Hong Kong sem sérhæfir sig í varahlutum og viðskiptum með notaðar flugvélar og flugvélabrotajárn.

Frakthurð á Boeing 737 opnaðist við harkalega lendingu

16. október 2019

|

Frakthurð var opin á Boeing 737-800 þotu frá flugfélaginu Royal Air Marco eftir lendingu á flugvellinum í Lagos í Nígeríu sl. föstudag.

Flybe verður Virgin Connect

15. október 2019

|

Breska lágfargjaldafélagið Flybe mun breyta um nafn og koma til með að heita „Virgin Connect“ frá og með árinu 2020.

SWISS kyrrsetur Airbus A220

15. október 2019

|

Flugfélagið Swiss International Air Lines kyrrsetti í dag allar þær 29 Airbus A220 (CSeries) þotur sem félagið hefur í flotanum til að framkvæma skoðun á hreyflum vélanna í kjölfar nokkurra bilana se

Condor fær lán frá þýska ríkinu

15. október 2019

|

Framkvæmdarstjórn Evrópsambandsins hefur gefið grænt ljós fyrir láni frá þýska ríkinu upp á 52 milljarða króna til þýska flugfélagsins Condor.

Fjarlægði klossa frá nefhjólinu og fékk skrúfuna í sig

14. október 2019

|

Kona í Bandaríkjunum slasaðist er hún varð fyrir loftskrúfu á lítilli flugvél af gerðinni Cessna C172 Skyhawk á flugvellinum í bænum Key West, syðst á Flórída-skaga, sl. laugardagskvöld.

Boða aðgerðir gegn gjaldþroti meðal flugfélaga

14. október 2019

|

Ríkisstjórn Bretlands ætlar að fara að stað með aðgerðir er kemur að gjaldþrotum meðal flugfélaga og stendur til að kynna nýja löggjöf sem mun auðvelda gjaldþrotaferli og aðgerðir er snúa að því að k

El Al hættir með júmbó-þotuna í nóvember

14. október 2019

|

El Al Israel Airlines mun hætta með júmbó-þotuna um næstu mánaðarmót og hefur flugfélagið ákveðið dagsetningu fyrir síðasta áætlunarflugið með Boeing 747.

Cabo Verde Airlines mun hefja flug til Nígeríu

14. október 2019

|

Cabo Verde Airlines hefur tilkynnt að félagið mun hefja beint áætlunarflug frá Grænhöfðaeyjum til Lagos í Nígeríu.

American í viðræðum við GOL um mögulegt samstarf

11. október 2019

|

American Airlines á nú í viðræðum við brasilíska flugfélagið GOL með samstarf í huga.

 síðustu atvik

  2019-01-01 20:20:00