flugfréttir
Fyrsta A320neo þota Atlantic Airways komin til Færeyja
15. júlí 2019
|
Frétt skrifuð kl. 19:56
OY-RCK var ferjuð til Vágar frá Hamborg sl. föstudag
Færeyska flugfélagið Atlantic Airways hefur tekið við fyrstu Airbus A320neo þotunni sem ber skráninguna OY-RCK og var hún afhent ný til félagsins um helgina.
Þotan var ferjuð frá verksmiðjum Airbus í Hamborg til Vágar-flugvallarins í Færeyjum
sl. föstudag þann 12. júlí.
OY-RCK er fyrsta af þeim fjórum A320neo þotum sem Atlantic Airways
hefur pantað og mun fyrsta þotan leysa af hólmi aðra Airbus A319 þotuna
sem félagið hefur haft í flota sínum.
OY-RCK er ein af þeim tveimur A320neo þotum sem félagið tók á leigu hjá flugvélaleigunni Air Lease Corporation en seinni þotan verður afhent vorið 2020.
OY-RCK er ein af þeim fjórum Airbus A320neo þotum sem Atlantic Airways á von á að fá afhentar á næstu árum
„Atlantic Airways mun halda áfram að tengja eyjarnar við umheiminn með
fleiri brottförum og fleiri áfangastöðum og það einnig í samstarfi
við önnur flugfélög í þeim tilgangi að kynna Færeyjar sem
ferðamannastað“, sagði Niels Mortensen, forstjóri Atlantic Airways, við hátíðlega
athöfn sem fram fór í tilefni af komu þotunnar.
Hinar tvær A320neo þoturnar voru pantaðar beint frá Airbus á flugsýningunni
Paris Air Show sem fram fór í júní og er það í fyrsta
sinn sem Atlantic Airways leggur inn pöntun til Airbus en sú fyrri verður
afhent árið 2023 og sú seinni árið 2024.
Fleiri myndir:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
