flugfréttir
Aðeins 200 kíló eftir af eldsneyti í tönkunum við lendingu
- Hefði geta flogið í um 6 mínútur til viðbótar
18. júlí 2019
|
Frétt skrifuð kl. 16:23
Airbus A320neo þota Vistara á flugvellinum í Delí
Farþegaþota á Indlandi var aðeins sex mínútum frá því að hafa klárað allt eldsneyti um borð áður en hún náði að lenda á flugvellinum í Delí fyrr í vikunni.
Um var að ræða Airbus A320neo þotu frá flugfélaginu Vistara sem var í áætlunarflugi á leið frá Mumbai
til Delhí sl. mánudag með 153 farþega um borð.
Þegar þotan var í aðflugi að Indira Ghandi flugvellinum í Delí var flugmönnunum gert að
fara í biðflug og fljúga staðlaðan hring sökum slæms veðurs en á lokastefnu að flugbrautinni þurfti flugvélin að fara í
fráhvarfsflug („go around“).
Ákveðið var að halda til borgarinnar Lucknow sem er í um 420 kílómetra fjarlægð og lenda
þar en skyndilega lækkaði skýjahæðin yfir þeim flugvelli með mjög slæmu skyggni.
Því næst ákváðu flugmennirnir að halda til borgarinnar Prayahraj sem er í 30 mínútna fjarlægð
en þar þurfti flugvélin að fara í biðflug yfir flugvellinum í um 7 mínútur.
Flugmennirnir ákváðu að senda út neyðarkall þar sem eldsneytið í tönkum vélarinnar var næstum
því á þrotum en skyndilega var farið að létta til yfir flugvellinum í Lucknow og lenti þotan
þar skömmu síðar.
Við lendingu kom í ljós að aðeins voru um 200 kg eftir af eldsneyti í tönkum vélarinnar sem
samsvarar því að flugvélin hefði geta flogið í 6 mínútur til viðbótar áður en drepist hefði á hreyflunum.
Flugmálayfirvöld á Indlandi hafa tilkynnt að flugmennirnir, sem flugu vélinni, hafa verið leystir frá störfum tímabundið hjá Vistara á meðan rannsókn stendur yfir á atvikinu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
