flugfréttir
Ryanair í stórt samstarf við flugskóla í Póllandi
- Ætla að þjálfa hundruði nýja flugmenn hjá Bartolini Air
Frá undirritun samstarfsins milli Bartolini Air flugskólans og Ryanair
Ryanair hefur tilkynnt um samning um umfangsmikið flugnámsverkefni í Mið-Evrópu þar sem til stendur að þjálfa upp nýja flugmenn fyrir félagið í samstarfi við flugskólann Bartolini Air í Póllandi.
Flugnámsverkefnið mun kallast Ryanair/Bartolini Air Mentored Pilot Training Programme og mun það tryggja lágfargjaldafélaginu
stöðugt flæði af nýjum flugmönnum í tengslum við umsvif félagsins.
Nemendur munu stíga sín fyrstu skref í flugnámi við flugskólann og útskrifast með atvinnuflugmannsskírteini á 18 mánuðum og hefja
strax þjálfun á Boeing 737 vélar félagsins að námi loknu.
Flugkennarar á vegum Bartolini Air flugskólans munu kenna nemendum og nota kennslustaðla Ryanair og er stefnt að því að skólinn muni
ná að útskrifa um 300 nýja flugmenn á fyrstu fjórum árunum.
Fjölmenni við kynningunni á verkefninu Ryanair/Bartolini Air Mentored Pilot Training Programme
Ryanair hefur tólf bækistöðvar í Mið-Evrópu og þar af eru fimm í Póllandi en lágfargjaldafélagið írska er það umfangsmesta í Póllandi á eftir ríkisflugfélaginu, LOT Polish Airlines, með yfir 100 áætlunarflug á dag til og frá landinu.
Bartolini Air er einn stærsti flugskóli á Mið-Evrópu með höfuðstöðvar í borginni Lodz en skólinn hefur útskrifað yfir 1.500 flugmenn frá 56 mismunandi löndum og
starfa margir þeirra í dag hjá Ryanair.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.