flugfréttir
Mesta tap í 103 ára sögu Boeing
- Tap upp á 413 milljarða króna en 328 milljarða króna hagnaður í fyrra
Nýjar Boeing 737 MAX þotur á bílastæði starfsmanna í Renton sem bíða þess að verða afhentar
Boeing hefur skilað inn mesta tapi í 103 ára sögu flugvélarisans en afkoma fyrirtækisins á öðrum ársfjórðungi var neikvæð um 3.4 milljarða bandaríkjadali sem samsvarar 413 milljörðum króna.
Boeing tilkynnti í dag um afkomu flugvélarisans eftir annan ársfjórðung þessa árs og hefur afkoman
aldrei verið eins slæm sem rekja má til kyrrsetningu á Boeing 737 MAX þotunum sem hafa verið
kyrrsettar í rúma 4 mánuði.
Talið er að Boeing hafi nú þegar tekið á sig yfir 800 milljarða króna skell vegna vandamálsins
með Boeing 737 MAX og er talið að sú tala eigi eftir að hækka enn frekar þar sem framleiðandinn
á enn eftir að greiða út bætur til þeirra flugfélaga sem hafa Boeing 737 MAX í flota sínum.
Tap Boeing í júnímánuði einum var 352 milljarðar króna en í júní 2018 hagnaðist Boeing um 267
milljarða sem endurspeglar þann vanda sem Boeing er komið í þessa daganna.
Nýjar Boeing 737 MAX vélar Icelandair eru meðal þeirrar sem bíða afhendingar
Rekstrartekjur Boeing á öðrum ársfjórðungi námu 1.921 milljarði en á sama tímabili í fyrra
voru tekjurnar um 2.942 milljarðar króna.
Sölur á nýjum farþegaþotum hafa dregist saman um 35% þar sem Boeing afhenti aðeins 90 þotur á
öðrum ársfjórðungi á meðan allar afheningar á 737 MAX hafa setið á hakanum.
„Þetta eru krefjandi tímar fyrir Boeing og við erum einbeittir á að viðhalda því öryggi, gæðum og þeim
heiðarleika sem einkennir okkur á sama tíma og við vinnum að því að koma Boeing 737 MAX aftur
í loftið“, sagði Dennis Muilenburg, framkvæmdarstjóri Boeing, í tilkynningu í dag.
Ekki er enn vitað hvenær Boeing 737 MAX mun fljúga aftur
Áhrif kyrrsetningarinnar á Boeing 737 MAX nær langt út fyrir veggi Boeing þar sem tugi flugfélaga
um allan heim hafa tapað gríðarlegum fjárhæðum á því að hafa ekki geta flogið þotunum eins og
þau gerðu ráð fyrir og hafa flugfélög aflýst þúsundir flugferða og sum hætt flugi til einhverja áfangastaða.
Boeing hefur haldið áfram að framleiða Boeing 737 MAX þoturnar en samt eru færri eintök smíðuð mánuði og á framleiðandinn eftir að afhenda nýjar þotur að andvirði 3 þúsund og 600 milljarða króna.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.