flugfréttir
Festi hjólastellið í holu í brautinni fyrir flugtak
13. ágúst 2019
|
Frétt skrifuð kl. 14:08
Dash 8-100 flugvélin á flugbrautinni á flugvellinum í Lamu í Kenýa
Lítil farþegaflugvél þurfti að hætta við flugtak í Kenýa í Afríku sl. sunnudag eftir að í ljós kom að dekkin á öðru aðalhjólastellinu voru föst í holu í flugbrautinni.
Flugvélin, sem er af gerðinni de Havilland Dash 8-100 frá flugfélaginu Fly540, hafði ekið í átt að brautarenda á flugvellinum í
bænum Lamu og var búin að snúa við á brautinni og tekið sér brautarstöðu fyrir flugtak.
Þegar flugmennirnir settu fullt afl á hreyflanna kom í ljós að flugvélin hreyfðist ekki fet og ákváðu þeir þá að hætta við flugtakið
og drógu úr aflinu og slökktu á hreyflum til að athuga hvað málið væri.
Í ljós kom að vinstra hjólastellið var fast með dekkin ofan í holu sem hafði myndast í yfirlagi brautarinnar. Kalla þurfti til flugvirkja
auk starfsfólk flugvallarins til þess að losa vélina úr holunni og þurfti að grafa undan hjólunum með skóflum.
Flugvirki og starfsmenn flugvallarins notuðu skóflur til að moka frá hjólinu til að losa flugvélina úr holunni
Flugvélin var færð aðeins til svo hún gæti gert aðra tilraun til flugtaks og fór vélin skömmu síðar í loftið með 25 mínútna seinkun.
36 farþegar voru um borð í vélinni sem var á leið til höfuðborgarinnar Nairobi. Atvikið hefur sett aukinn þrýsting á flugmálayfirvöld
í Kenýa til þess að fjárfesta í framkvæmdum á flugbrautinni á flugvellinum í Lamu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
