flugfréttir

Taka á leigu Boeing 737-200 til að fylla í skarð 737 MAX

- Mikil eftirspurn eftir Boeing 737-800 fimm mánuðum eftir kyrrsetningu

13. ágúst 2019

|

Frétt skrifuð kl. 17:53

Einni Boeing 737-200 þotu var flogið til Toronto til þess að fljúga með farþega fyrir Sunwing Vacation

Mikil eftirspurn er núna eftir gömlum Boeing 737 þotum vegna kyrrsetningar á Boeing 737 MAX þotunum en þetta er haft eftir flugvélaleigum sem leigja út flugvélar til flugfélaga.

Í dag eru komnir 5 mánuðir frá því bandarísk flugmálayfirvöld (FAA) kyrrsettu Boeing 737 MAX þoturnar auk flugmálayfirvalda víða um heim og fimm mánuðir voru í gær frá því þotan var kyrrsett í Evrópu af EASA.

Fimm mánuðir er langur tími er kemur að flugrekstri en vegna þessa hafa flugvélaleigur séð fram á mikla eftirspurn eftir gömlum Boeing 737 þotum og þá aðallega vélum af gerðinni Boeing 737-800.

„800 týpan er eins og gull þessa daganna“, segir Phil Seymour, framkvæmdarstjóri flugráðgjafarfyrirtækisins IBA í London, sem tekur fram að 40% hækkun hafi orðið á leigugjöldum á Boeing 737-800.

Phil Seymour hjá IBA telur að flugfélög séu að tapa um 18 milljónum
króna á dag á hverja Boeing 737 MAX þotu sem er kyrrsett

Að sögn Seymour þá velja flugfélög Boeing 737-800 þar sem henni svipar til Boeing 737 MAX og auðvelt að setja áhafnir á þá flugvélategund til að nýta flugmennina áfram. Boeing 737-200 týpan hinsvegar hefur ekki verið notuð af neinu bandarísku flugfélagi í 14 ár en Southwest Airlines hætti með þær í rekstri árið 2005 og eru í dag aðeins 38 eintök enn í notkun í heiminum.

Vefsíðan Fliegerfaust greindi frá því í gær að flugfélög séu orðin það örvæntingarfull að dæmi er um eitt flugfélag í Kanada sem hefur tekið á leigu Boeing 737-200 þotu sem var ein fyrsta 737 þotan sem kom á markaðinn árið 1968 en framleiðslu hennar leið undir lok árið 1988 og uppfyllir hún til að mynda ekki reglugerðir um hávaðatakmarkanir á evrópskum flugvöllum.

Flugfélagið sem um ræðir er Sunwing Airlines sem hefur tekið á leigu Boeing 737-200 frá Nolinor Aviation í Mirabel í Kanada vegna skorts á flugvélum en Sunwing hafði fjórar Boeing 737 MAX 8 þotur sem hafa verið kyrrsettar frá því í mars.

Flestar Boeing 737-800 vélarnar í útleigu hjá flugvélaleigum

Flest ef ekki öll flugfélög, sem höfðu pantað Boeing 737 MAX eða voru komin með þotuna í notkun áður en kyrrsetningin tók í gildi, reiknuðu með hagræðingu í rekstri þar sem 737 MAX er sparneytnari en mörg flugfélög sjá fram á mikinn taprekstur á þessu ári þar sem öll áform hafa raskast vegna þessa á sama tíma og 5% aukning hefur átt sér stað í farþegaflugi um allan heim.

Michael Inglese, framkvæmdarstjóri flugvélaleigunnar Aircastle segir að flestir áttu von á því að kyrrsetningin myndi standa yfir í stuttan tíma en nú hefur komið í ljós að hún mun vara eitthvað lengur og hafa flugfélög á borð við Southwest Airlines og GOL í Brasilíu ákveðið að halda lengur í eldri Boeing 737 þotur sem áttu að vera farnar úr flotanum.

Sömu sögu segir Colm Barrington hjá Fly Leasing í Írlandi. „Við höfum leigt út allar Boeing 737-800 þotur“ og í sama streng tekur Aengus Kelly hjá AerCap sem segir að allar Boeing 737-800 vélarnar hjá þeim séu í útleigu.







  fréttir af handahófi

Flugnemi í sólóflugi missti hjól undan kennsluflugvél

28. nóvember 2019

|

Flugnemi í Ástralíu náði giftusamlega að lenda kennsluflugvél síðastliðna helgi eftir að vinstra hjólið á vélinni losnaði af skömmu eftir flugtak.

Boeing 737 MAX 10 frumsýnd - Hjólastellið lengist í flugtakinu

25. nóvember 2019

|

Boeing frumsýndi síðastliðna helgi fyrstu útgáfuna af 737 MAX 10 sem er lengsta MAX-þotan en hún kemur á markað á næsta ári.

Fjórir ölvaðir flugmenn teknir hjá SpiceJet á 5 dögum

6. desember 2019

|

Fjórir ölvaðir flugmenn hjá indverska flugfélaginu SpiceJet hafa verið stöðvaðir á sl. fimm dögum þar sem þeir féllu á áfengisprófi er þeir mættu til vinnu í stjórnklefann á leið í áætlunarflug.

  Nýjustu flugfréttirnar

Klæðning losnaði af í flugtaki

22. janúar 2020

|

Farþegaþota af gerðinni Boeing 737-800 frá ástralska flugfélaginu Virgin Australia þurfti að snúa við til Brisbane skömmu eftir flugtak eftir að farþegar tilkynntu áhöfninni um að eitthvað væri að lo

Bresk flugfélög gagnrýna aðstoð breska ríkisins vegna Flybe

22. janúar 2020

|

Yfirmenn og forstjórar nokkurra breskra flugfélag hafa harðlega gagnrýnt aðgerðir breskra stjórnvalda sem ákváðu að bjargra rekstri lágfargjaldaflugfélagsins Flybe með því að lækka farþegaskatta og f

Fimm flugfélög bjóðast til að aðstoða Malaysian Airlines

22. janúar 2020

|

Ríkisstjórnin í Malasíu segir að fimm tilboð hafa borist frá flugfélögum sem hafa boðið aðstoð sína við að koma rekstri flugfélaginu Malaysian Airlines á réttan kjöl.

Spá því að árið 2020 í fluginu muni einkennast af ókyrrð

21. janúar 2020

|

Írska flugvélaleigan Avolon spáir því að ókyrrð muni ríkja í flugiðnaðinum á þessu ári sem orsakast sérstaklega vegna óvissu í stjórnmálum í heiminum og meðal annars vegna áhyggja fólks út af umhverf

Fjórir grunnskólakennarar höfða mál gegn Delta Air Lines

20. janúar 2020

|

Fjórir grunnskólakennarar í Los Angeles hafa ákveðið að höfða mál gegn bandaríska flugfélaginu Delta Air Lines eftir atvik sem átti sér stað þar sem farþegaþota frá félaginu losaði sig við eldsneyti y

Fá ekki að nota Boeing 737-500 þotur í flugi til Bandaríkjanna

20. janúar 2020

|

Bandarísk flugmálayfirvöld (FAA) hafa bannað Bahamsair, ríkisflugfélaginu á Bahamaeyjum, að fljúga inn í bandaríska lofthelgi með þeim þremur Boeing 737-500 þotum sem félagið hefur í flotanum.

Flugþjónn féll frá borði á þotu hjá Finnair

20. janúar 2020

|

Flugþjónn hjá flugfélaginu Finnair slasaðist er hann féll frá borði á farþegaþotu á flugvellinum í Helsinki á dögunum.

Með sárt ennið eftir að flugskóli í Kanada hætti starfsemi

20. janúar 2020

|

Tugi flugnema við flugskólann Ottawa Aviation Services í Kanada sitja nú eftir með sárt ennið eftir að flugskólinn neyddist til þess að hætta starfsemi sinni skyndilega.

Tengdi PlayStation við upplýsingaskjá í flugstöðinni

20. janúar 2020

|

Flugfarþegi, sem var að spila tölvuleik á meðan hann beið eftir flugi á flugvellinum í Portland í Oregon í Bandaríkjunum á dögunum, gerði sér lítið fyrir og tengdi PlayStation tölvuna við upplýsingask

Pútin fer fram á drög að nýju flugfélagi í Austur-Rússlandi

20. janúar 2020

|

Vladimír Pútín, Rússlandsforseti, hefur farið fram á að kannað verði hvort að grundvöllur sé fyrir því að stofna nýtt flugfélag í austurhluta Rússlands sem myndi einblína á dreifbýl svæði þar sem sko

 síðustu atvik

  2019-01-01 20:20:00