flugfréttir
Fékk fugla í báða hreyfla í flugtaki og nauðlenti á akri
- Airbus A321 þota frá Ural Airlines nauðlenti rétt eftir flugtak í Moskvu
15. ágúst 2019
|
Frétt skrifuð kl. 10:44
Þotan var aðeins komin í 750 feta hæð yfir jörðu eftir flugtak er báðir hreyflarnir fengu fugla inn í sig
Farþegaþota nauðlenti á maísakri í morgun í Rússlandi eftir að báðir hreyflar vélarinnar stöðvuðust eftir að þotan flaug í gegnum fuglager skömmu eftir flugtak frá Moskvu.
Þotan, sem er af gerðinni Airbus A321 og frá rússneska flugfélaginu Ural Airlines, fór í loftið
frá Zhukovsky-flugvellinum klukkan 3:15 í nótt að íslenskum tíma áleiðis til Simferopol í Úkraínu
og voru 226 farþegar um borð auk sjö manna áhafnar.
Þotan var aðeins komin í 750 feta hæð yfir jörðu þegar fjöldi fugla enduðu í báðum hreyflunum
með þeim afleiðingum að flugmenn vélarinnar urðu að nauðlenda á kornakri skammt frá flugvellinum.
226 farþegar voru um borð og var flugvélin rýmd á augabragði
eftir nauðlendinguna
Fram kemur að minnsta kosti 10 manns um borð hlutu meiðsl í lendingunni og tókst að rýma vélina á augabragði eftir
brotlendinguna. Þotan er mikið skemmt en enginn eldur kom upp en töluverðan reyk lagði frá hreyflunum.
Enginn lét lífið í slysinu en Ural Airlines hampar flugmönnum vélarinnar fyrir fagmannleg viðbrögð og
segir að snögg viðbrögð neyðarteymis og sjúkrabíla hafi skipt sköpum.
Flugstjóri vélarinnar hefur starfað hjá Ural Airlines frá árinu 2013 og hefur hann yfir 3.000 flugtíma að baki
á meðan flugmaðurinn hefur 600 tíma að baki en hann var ráðinn til félagsins í fyrra.
Átta rútur mættu á slysstað og ferjuðu farþega aftur til Zhukovsky-flugvallarins þar sem þeir fengu aðstoð og aðhlynningu.
Slysið þykir minna á atburðinn sem átti sér stað fyrir 10 árum síðan er hinn heimsþekkti flugmaður
Chesley „Sully“ Sullenberger nauðlenti Airbus A320 þotu á Hudson-ánni í New York þann 15. janúar 2009
en sú þota fékk gæsir í báða hreyflanna skömmu eftir flugtak frá LaGuardia-flugvellinum.
Fleiri myndir:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
