flugfréttir

Fyrrum tækniflugmaður sækir um verndarrétt í MAX-málinu

- Vill ekki afhenda gögn til saksóknara vegna rannsóknar á MCAS-kerfinu

9. september 2019

|

Frétt skrifuð kl. 08:17

Mark Forkner starfaði sem tækniflugmaður hjá Boeing frá árinu 2011 til ársins 2018 og kom hann að þróun og ráðgjöf varðandi 737 MAX þotuna

Fyrrverandi starfsmaður Boeing, sem gengdi lykilstöðu í þróun á Boeing 737 MAX þotunni, hefur neitað að afhenda gögn og upplýsingar til saksóknara sem rannsaka tvö flugslys er varðar þotuna sem áttu sér stað í október í fyrra og í mars á þessu ári.

Starfsmaðurinn, Mark Forkner, sem var tækniflugmaður hjá Boeing, hefur ákveðið að njóta réttinda fimmta viðauka stjórnarskrá Bandaríkjanna sem felur í sér ákvæði um að allir borgarar eigi rétt á að neita því að vitna gegn sjálfum sér auk réttar á að fá sanngjarna málsmeðferð án þess að vera þvingaðir í varðhald vegna máls sem þeim er gefið að sök.

Að sögn sérfræðinga og lögfræðinga vestanhafs þá er sagt að þeir sem nýta sér hinn svokallaðan „fimmta viðauka“ eru oft þeir sem neita að bera vitni án þess að brjóta með því lög en viðkomandi aðilar eru oft taldir vera þeir sem hafa eitthvað að fela eða eru mögulega sekir. Með ferlinu fá þeir gálgafrest á meðan flókið ferli hefst milli saksóknara og lögfræðinga.

Forkner starfar í dag sem flugmaður hjá Southwest Airlines en saksóknarar í Washington hafa falist eftir því að fá frá honum gögn til að notast við í sjálfstæðri rannsókn þróunar- og vottunarferli á Boeing 737 MAX þotunni.

Ekki er enn vitað hvenær Boeing 737 MAX þoturnar fara að fljúga á ný

Forkner starfaði hjá Boeing frá árinu 2011 til ársins 2018 en sagt er að honum hafi sjálfur ekki litist á blikuna á sínum tíma er hönnun á Boeing 737 MAX stóð yfir. Aðili, sem starfaði með Forkner, sem kýs að koma ekki fram undir nafni, segir í viðtali við Seattle Times að Forkner hafi talið of litlum tíma varið í prófanir á kerfinu þar sem til stóð að koma þotunni á markað sem fyrst og einnig hafi hann talið að það hafi verið of mikil pressa og álag á öllu verkefninu að hans mati.

Lagði til að MCAS-kerfið yrði ekki hluti að flughandbókinni

Forkner kom fram með tillögu til bandrískra flugmálayfirvalda (FAA) þegar vottunarferli Boeing 737 MAX stóð yfir að MCAS-kerfið yrði ekki tilgreint í flughandbók vélarinnar en eftir nokkra fundi og umræður félst FAA á að halda MCAS-kerfinu fyrir utan handbókina á þeim forsendum að um kerfi væri að ræða sem starfar sjálfstætt í bakgrunni án þess að flugmenn þurfi að skipta sér að þeim búnaði.

Hvorki David Gerger, lögfræðingur Mark Forkner, Boeing né bandarísk flugmálayfirvöld (FAA), hafa viljað svara fyrirspurnum frá fjölmiðlum vestanhafs vegna málsins er snýr að umsókn Forkner um að vilja nýta sér rétt er varðar fimmta ákvæði stjórnarskránnar.

Meðal þess sem saksóknarar vilja rannsaka er tilgangur og hlutverk hið nýja MCAS-kerfis sem er talið að hafi verið orsök slysanna en lögfræðingar, sem hafa tjáð sig um málið við fjölmiðla, segja að um flókið mál gæti verið að ræða þar sem réttur Forkner gæti verið mismunandi eftir því hvort að verið sé að sækjast eftir persónulegum gögnum hans varðandi hönnun vélarinnar eða hvort skjölin sé formleg gögn sem eru merkt Boeing.

„Forkner gæti óskað eftir friðhelgi en slíkt þýddi að saksóknarar fengu ekki með neinum hætti að nota gögnin í tengslum við rannsókn í þeim tilgangi að rannsaka persónulega aðkomu hans að málinu og mættu ekki lögsækja hann ef þær aðstæður væru fyrir hendi“, segir Paul Rothstein, prófessor í lögfræði við háskólann í Georgetown.







  fréttir af handahófi

SAS hættir með Boeing 737-600

29. október 2019

|

SAS stefnir á að kveðja Boeing 737-600 þotuna í næsta mánuði eftir 21 ár í rekstri en síðasta áætlunarflug félagsins með þessari flugvélategund er áætlað þann 30. nóvember.

„Alþjóðleg samstaða lykillinn að endurkomu Boeing 737 MAX“

11. desember 2019

|

Níu mánuðir verða bráðum liðnir frá því að Boeing 737 MAX þoturnar voru kyrrsettar í mars á þessu ári en enn er ekki komin nein dagsetning varðandi hvenær þær geta farið að fljúga aftur.

Fjórir grunnskólakennarar höfða mál gegn Delta Air Lines

20. janúar 2020

|

Fjórir grunnskólakennarar í Los Angeles hafa ákveðið að höfða mál gegn bandaríska flugfélaginu Delta Air Lines eftir atvik sem átti sér stað þar sem farþegaþota frá félaginu losaði sig við eldsneyti y

  Nýjustu flugfréttirnar

Klæðning losnaði af í flugtaki

22. janúar 2020

|

Farþegaþota af gerðinni Boeing 737-800 frá ástralska flugfélaginu Virgin Australia þurfti að snúa við til Brisbane skömmu eftir flugtak eftir að farþegar tilkynntu áhöfninni um að eitthvað væri að lo

Bresk flugfélög gagnrýna aðstoð breska ríkisins vegna Flybe

22. janúar 2020

|

Yfirmenn og forstjórar nokkurra breskra flugfélag hafa harðlega gagnrýnt aðgerðir breskra stjórnvalda sem ákváðu að bjargra rekstri lágfargjaldaflugfélagsins Flybe með því að lækka farþegaskatta og f

Fimm flugfélög bjóðast til að aðstoða Malaysian Airlines

22. janúar 2020

|

Ríkisstjórnin í Malasíu segir að fimm tilboð hafa borist frá flugfélögum sem hafa boðið aðstoð sína við að koma rekstri flugfélaginu Malaysian Airlines á réttan kjöl.

Spá því að árið 2020 í fluginu muni einkennast af ókyrrð

21. janúar 2020

|

Írska flugvélaleigan Avolon spáir því að ókyrrð muni ríkja í flugiðnaðinum á þessu ári sem orsakast sérstaklega vegna óvissu í stjórnmálum í heiminum og meðal annars vegna áhyggja fólks út af umhverf

Fjórir grunnskólakennarar höfða mál gegn Delta Air Lines

20. janúar 2020

|

Fjórir grunnskólakennarar í Los Angeles hafa ákveðið að höfða mál gegn bandaríska flugfélaginu Delta Air Lines eftir atvik sem átti sér stað þar sem farþegaþota frá félaginu losaði sig við eldsneyti y

Fá ekki að nota Boeing 737-500 þotur í flugi til Bandaríkjanna

20. janúar 2020

|

Bandarísk flugmálayfirvöld (FAA) hafa bannað Bahamsair, ríkisflugfélaginu á Bahamaeyjum, að fljúga inn í bandaríska lofthelgi með þeim þremur Boeing 737-500 þotum sem félagið hefur í flotanum.

Flugþjónn féll frá borði á þotu hjá Finnair

20. janúar 2020

|

Flugþjónn hjá flugfélaginu Finnair slasaðist er hann féll frá borði á farþegaþotu á flugvellinum í Helsinki á dögunum.

Með sárt ennið eftir að flugskóli í Kanada hætti starfsemi

20. janúar 2020

|

Tugi flugnema við flugskólann Ottawa Aviation Services í Kanada sitja nú eftir með sárt ennið eftir að flugskólinn neyddist til þess að hætta starfsemi sinni skyndilega.

Tengdi PlayStation við upplýsingaskjá í flugstöðinni

20. janúar 2020

|

Flugfarþegi, sem var að spila tölvuleik á meðan hann beið eftir flugi á flugvellinum í Portland í Oregon í Bandaríkjunum á dögunum, gerði sér lítið fyrir og tengdi PlayStation tölvuna við upplýsingask

Pútin fer fram á drög að nýju flugfélagi í Austur-Rússlandi

20. janúar 2020

|

Vladimír Pútín, Rússlandsforseti, hefur farið fram á að kannað verði hvort að grundvöllur sé fyrir því að stofna nýtt flugfélag í austurhluta Rússlands sem myndi einblína á dreifbýl svæði þar sem sko

 síðustu atvik

  2019-01-01 20:20:00