flugfréttir

Rekstur Norwegian sagður hanga á bláþræði

- Láta reyna á að fresta greiðslum af skuldabréfum til að forðast gjaldþrot

9. september 2019

|

Frétt skrifuð kl. 11:46

Boeing 737 þota Norwegian á Gardermoen-flugvellinum í Osló

Sagt er að Norwegian sé að reyna við síðasta hálmstráið til þess að forða flugfélaginu norska frá gjaldþroti en í augnarblikinu er rekstrarfé félagsins af mjög skornum skammti og á félagið í viðræðum við lánadrottna og skuldabréfaeigendur.

Í frétt Conde Nast Traveler er haft eftir sérfræðingum í flugiðnaðinum að framtíð Norwegian hangi í raun og veru á bláþræði eins og staðan er núna. „Þeir eru að reyna að hafa stjórn á þessari krísu og eru að gera allt sem í þeirra valdi stendur en þeir eru alveg á brúninni“, segir Daniel Roeska, greiningarráðgjafi í frétt CNN.

Félagið er sagt vera að reyna að safna saman meira fé áður en erfiður vetur gengur í garð sem gæti riðið Norwegian að fullu sökum dræmra bókana á flugferðum yfir vetrartímann en félagið hefur meðal annars beðið lánadrottna um að fá 2 ára frest til viðbótar vegna greiðslu af skuldabréfum að upphæð sem nemur 47 milljörðum króna.

Sagt er að Norwegian sé að reyna að selja lendingarpláss sín á Gatwick-flugvelli til að auka rekstrarfé félagsins en meðal þess sem hefur haft slæm áhrif á rekstur Norwegian er vandamál með Dreamliner-vélarnar í flotanum auk kyrrsetningar Boeing 737 MAX vélanna en þessi tvö atriði hafa kostað Norwegian um 20 milljarða króna það sem af er ári þrátt fyrir mjög annasamt sumar.

Bjørn Kjos, framkvæmdarstjóri Norwegian og einn af stofnendum félagsins, tilkynnti í júlí að hann myndi stíga til hliðar

Þetta er ekki í fyrsta sinn sem rekstur Norwegian er á barmi gjaldþrots en orðrómur um endalok félagsins hefur farið reglulega á krek á undanförnum misserum en þrátt fyrir það hafa fá flugfélög í Evrópu vaxið eins ört líkt og Norwegian.

Norwegian hefur í ár neyðst til þess að fækka flugvélum og skera niður í leiðarkerfinu og meðal annars með því að hætta öllu flugi yfir Atlantshafið milli Írlands og Norður-Ameríku en þær aðgerðir hafa ekki náð að duga til.

Norwegian mun eiga fund með skuldabréfaeigendum þann 16. september þar sem félagið mun ræða um þann möguleika að fresta greiðslum fram til áranna 2020 og 2021 en félagið á að öðru leyti að greiða tugi milljarða af skuldabréfunum, annars vegar í desemeber næstkomandi og svo aftur í ágúst 2020.







  fréttir af handahófi

Óska eftir hugmyndum að sparnaði frá farþegum

21. ágúst 2019

|

Tælenska flugfélagið Thai Airways stefnir á glæða nýju lífi í flugfélagið með því markmiði að hagræða rekstrinum og yngja upp ímynd félagsins.

Manston-flugvöllur mun opna aftur í stað 3.700 nýrra íbúða

8. júlí 2019

|

London mun að öllum líkindum aftur verða „sjö flugvalla borg“ þar sem til stendur að taka aftur í notkun Manston-flugvöllinn sem lokaði árið 2014.

Malta Air mun taka yfir nokkrar bækistöðvar Ryanair

1. ágúst 2019

|

Michael O´Leary, framkvæmdarstjóri Ryanair, hefur tilkynnt að nýja dótturfélagið, Malta Air, mun taka yfir starfsemi Ryanair á öllum bækistöðvum lágfargjaldafélagsins í Frakklandi, Þýskalandi og á Í

  Nýjustu flugfréttirnar

Japan Airlines mögulegur kaupandi að Malaysia Airlines

17. september 2019

|

Möguleiki er á því að Japan Airlines muni kaupa stóran hlut í Malaysia Airlines sem gæti bjargað rekstri félagsins og komið honum á réttan kjöl en félagið hefur verið rekið með tapi frá því í febrúar

Flugmaðurinn týndi vegabréfinu fyrir brottför

17. september 2019

|

Ellefu klukkutíma seinkun varð á flugi hjá suður-kóreska lágfargjaldarfélaginu Tway Air eftir að annar flugmaðurinn uppgötvaði á flugvellinum að hann hefði týnt vegabréfinu sínu.

Draco-flugvél Mike Patey ónýt eftir flugtaksóhapp

17. september 2019

|

Engan sakaði er Draco, flugvél í eigu bandaríska flugmannsins Mike Patey, eyðilagðist er henni hlekktist á í flugtaki á flugvellinum í Reno í Nevada í Bandaríkjunum í gær.

Bannað að sitja í aftustu sætaröð í A320neo þotum Lufthansa

16. september 2019

|

Lufthansa hefur ákveðið að hindra aðgang farþega að síðustu sætaröðinni um borð í Airbus A320neo þotum félagsins sem eru ekki í boði eins og stendur þegar bókað er flug.

Japan Airlines sektað um 37 milljónir vegna tveggja seinkana

16. september 2019

|

Samgönguráðuneyti Bandaríkjanna hefur sektað Japan Airlines um 37 milljónir króna vegna tveggja seinkana þar sem farþegar þurftu að bíða í meira en fjórar klukkustundir inni í flugvélum félagsins áðu

Síðasta flug Travolta með 707 til Ástralíu tefst vegna viðhalds

16. september 2019

|

Allt bendir til þess að ekki verði hægt að ferjufljúga Boeing 707 þotu John Travolta sem hugðist fljúga þotunni frá Bandaríkjunm til Ástralíu í nóvember og það í síðasta sinn.

Turkmenistan Airlines pantar Boeing 777-200LR

15. september 2019

|

Turkmenistan Airlines hefur fest kaup á einni Boeing 777-200LR þotu sem félagið á von á að fá árið 2021.

Fékk kvíðakast í aðflugi og yfirgaf stjórnklefann

15. september 2019

|

Flugmaður hjá easyJet yfirgaf flugstjórnarklefa á farþegaþotu eftir að hann fékk kvíðakast þegar vélin var að nálgast lokastefnu inn til lendingar á flugvellinum í Glasgow.

Missti kaffibollann og hellti kaffi yfir fjarskiptabúnað

12. september 2019

|

Rannsóknaraðilar í Bretlandi hafa komist að því að flugstjóri einn á Airbus A330 breiðþotu frá flugfélaginu Condor notaði ekki glasahaldara fyrir kaffibollann sinn sem varð til þess að hann hellti óv

FAA íhugar að fyrirskipa skoðun á hreyflum á A220

12. september 2019

|

Bandarísk flugmálayfirvöld (FAA) íhuga nú að fara fram á að ítarleg skoðun verði framkvæmd á hreyflum á Airbus A220 (CSeries) þotunum í kjölfar þriggja atvika sem hafa komið upp þar sem slökkva þurf

 síðustu atvik

  2019-01-01 20:20:00