flugfréttir
Klifraði ofan á Embraer-þotu British Airways
- Var að mótmæla loftslagsbreytingum
10. október 2019
|
Frétt skrifuð kl. 17:47
Starfsfólk London City flugvallarins þurfti að hafa töluvert fyrir því að ná manninum ofan af flugvélinni
British Airways þurfti að hætta við áætlunarflug sitt í dag frá London City flugvellinum til Amsterdam eftir að maður klifraði ofan á eina af Embraer-þotum félagsins rétt fyrir brottför.
Fram kemur að maðurinn sé umhverfissinni sem hafi með þessu verið að mótmæla
sinnuleysi stjórnvalda varðandi loftslagsbreytingar.
Slökkvilið auk starfsmanna á London City-flugvellinum náðu að fjarlægja manninn
af vélinni með kranalyftu og var sett yfir hann appelsínugult vesti til að hýfa hann niður þar
sem hann hafði lagst ofan á vélina rétt fyrir ofan innganginn að framan við stjórnklefann.
British Airways þurfti að aflýsa fluginu til Amsterdam vegna atviksins
Maðurinn sagði að það sé búið að lýsa yfir neyðarástandi í loftslagsmálum og það sé ekkert gert í því en áður en það tókst að ná honum niður af flugvélinni fékk hann svima og sagði að hann væri frekar lofthræddur.
Maðurinn var með þessu að mótmæla sinnuleysi stjórnvalda í loftslagsmálum
Á Twitter-síðu breskra umhverfissinna er manninum hrósað fyrir gjörninginn og kemur fram að hann hafi með þessi viljað að
flugiðnaðurinn gerði sér grein fyrir þeim útblæstri sem kemur frá flugvélum.
Þá var ein kona handtekin þar sem hún er talin hafa aðstoðað manninn við að komast
ofan á flugvélina með því að hafa keypt fyrir hann flugmiða en maðurinn gekk meðal farþega upp stigann nema hvað hann ætlaði sér ekki inn í farþegarýmið.
Fleiri myndir:
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
