flugfréttir
Mitsubishi Aircraft missir pöntun í 50 SpaceJet-þotur
- Trans States Holding hættir við næststærstu pöntun framleiðandans
4. nóvember 2019
|
Frétt skrifuð kl. 08:21
SpaceJet-þotan frá Mitsubish Aircraft
Mitsubishi Aircraft Corporation hefur misst risapöntun sem bandaríska fyrirtækið Trans States Holding lagði inn árið 2009 í 50 þotur af gerðinni Mitsubishi SpaceJet (áður MRJ).
Þoturnar fimmtíu áttu að fara í flota Compass Airlines, GoJet Airlines og Trans States Airlines sem annast innanlandsflug í Bandaríkjunum
fyrir Delta Connection og United Express en pöntunin var önnur stærsta pöntunin sem Mitsubishi
Aircraft í Japan hafði fengið í SpaceJet-þoturnar.
Trans States Holdings segir ákvörðunina hafa verið tekna þar sem að M90 útgáfan af Spacejet
þotunni uppfyllir ekki skilyrði bandarískra flugmálayfirvalda (FAA) um notkun þotunnar fyrir innanlandsflug
er varðar takmarkanir um þyngd og fjölda sæta fyrir reksturinn.
Mitsubishi Aircraft segist ætla að herja á þau flugfélög í Bandaríkjunum, sem hafa pantað M90 þotuna, og reyna að fá þau til þess að skipta yfir í M100 þotuna sem uppfyllir skilyrði um notkun
vélanna fyrir „regional“-flugrekstur.
Bandaríska flugfélagið SkyWest er í dag stærsti viðskiptavinur Mitsubishi Aircraft en félagið
hefur pantað 100 þotur af gerðinni M90 en Mitsubishi Aircraft var komið með pantanir í 213 þotur en núna stendur heildarfjöldi pantaðra véla í 163 þotum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
