flugfréttir

Tveir kynningarfundir í nóvember um flugnám hjá Keili

- Næstu atvinnuflugmannsbekkir hefjast í janúar eftir áramót

7. nóvember 2019

|

Frétt skrifuð kl. 19:22

Um borð í einni af Diamond-kennsluvélum Flugakademíu Keilis

Flugakademía Keilis mun laugardaginn 16. nóvember næstkomandi halda kynningarfund um flugnám við skólann en kynningin fer fram við aðalbyggingu Keilis í Ásbrú í Reykjanesbæ og þá fer annar kynningarfundur fram þriðjudaginn 19. nóvember í húsnæði skólans í Hafnafirði.

Þeir sem hafa hug á að stefna á flugnám, hvort sem er til einkaflugmanns eða atvinnuflugmanns, eru hvattir til þess að nýta þetta tækifæri þar sem allar hliðar námsins verða kynntar.

Á fundinum verður hægt að fá svör við öllu því helsta á borð við hvernig námið fer fram, fyrirkomulag þess og þá verður hægt að hitta kennarna við skólann og koma fram með allar þær spurningar sem viðkomandi hefur varðandi námið.

Flugnám er bæði krefjandi og skemmtilegt nám sem krefst mikils aga. Annars vegar er hægt að velja áfangaskipt atvinnuflugmanns nám þar sem viðkomandi tekur einkaflugmanninn fyrst áður en hann heldur áfram í atvinnuflugmannsnámið.

Flugnemi í yfirlandsflugi við Gjögur í Strandasýslu

Hinsvegar er um að ræða samtvinnað atvinnuflugmannsnám þar sem nemandi byrjar á einkaflugmannshlutann og fer strax í atvinnuflugmannshlutann í einni lotu ásamt verklega hlutanum og lýkur náminu með áhafnarsamstarfi og þeim réttindum sem til þarf til þess að sækja um starf.

Á vefsíðu Flugakademíu Keilis má nálgast allar upplýsingar um kynningarfundina og hvenær þeir hefjast.

Þess má geta að næstu bekkir í samtvinnuðu atvinnuflugmannsnámi og áfangaskiptu atvinnuflugnámi hjá Flugakademíu Keilis hefjast í janúar 2020.







  fréttir af handahófi

Fjögur dótturfélög Norwegian gjaldþrota

20. apríl 2020

|

Norwegian hefur lýst því yfir að fjögur dótturfyrirtæki lágfargjaldafélagsins norska urðu gjaldþrota í dag vegna þeirra áhrifa sem útbreiðsla kórónaveirunnar hefur haft á reksturinn.

Framtíð Airbus nánast í húfi vegna COVID-19

28. apríl 2020

|

Airbus segir að framtíð flugvélarisans evrópska gæti verið í húfi vegna þeirra áhrifa sem COVID-19 heimsfaraldurinn hefur haft á starfsemi fyrirtæksins en þetta kemur fram í skilaboðum frá Guillaume

Boeing stöðvar framleiðsluna

24. mars 2020

|

Boeing hefur tilkynnt að öll framleiðsla á flugvélum á Seattle-svæðinu verður stöðvuð vegna neyðarástands sem lýst hefur verið yfir í Washington-fylki vegna útbreiðslu kórónaveirunnar.

  Nýjustu flugfréttirnar

Fresta afhendingum á 37 þotum

26. maí 2020

|

Flugvélaleigan AirCap hefur ákveðið að fresta afheningum á 37 flugvélum sem til stóð að veita móttöku og afhenda til flugfélaga á næstu tveimur árum.

An-225 flýgur á ný eftir viðgerð vegna bilunar í hreyfli

26. maí 2020

|

Risavöruflutningaþotan, Antonov An-225 Mriya, hefur hafið sig á loft á ný eftir að hafa verið biluð í þrjá daga í Kanada frá því um helgina en bilun kom upp í einum af sex hreyflum flugvélarinnar.

LATAM sækir um gjaldþrotavernd

26. maí 2020

|

LATAM, eitt stærsta flugfélag Suður-Ameríku, hefur sótt um gjaldþrotavernd og greiðslustöðvun en félagið hefur orðið mjög illa fyrir barðinu á COVID-19 heimsfaraldrinum.

Fyrsta tilraun með eldflaug á vegum Virgin mistókst

25. maí 2020

|

Fyrstu tilraun í eldflaugaprófunum á vegum fyrirtækis í eigu Richard Branson, er snúa að Virgin Orbit verkefninu, mistókst í dag.

Fóru of nálægt hvor annarri á flugvellinum í Hong Kong

25. maí 2020

|

Flugmálayfirvöld í Hong Kong hafa hafið rannsókn á atviki sem átti sér stað er tvær flugvélar fóru of nálægt hvor annarri á Chek Lap Kok flugvellinum í Hong Kong fyrir helgi.

Air France hættir með A380

25. maí 2020

|

Air France hefur tilkynnt að flugfélagið franska hafi tekið þá ákvörðun að hætta með allar Airbus A380 risaþoturnar.

Hluti af stéli losnaði af Boeing 737 þotu

25. maí 2020

|

Hluti af stéli losnaði af farþegaþotu af gerðinni Boeing 737-800 frá flugfélaginu Swift Air en í ljós kom að framlenging á stélinu var ekki á sínum stað er flugvélin lenti á flugvellinum í San Diego

Ætla ekki að losa sig við neinar A380 risaþotur

23. maí 2020

|

Tim Clark, forstjóri Emirates, blæs á þær sögusagnir sem ganga um að Emirates eigi eftir að hætta með flestar Airbus A380 risaþoturnar.

Ítalskir flugvellir opna á ný þann 3. júní

21. maí 2020

|

Stjórnvöld á Ítalíu segja að til standi að opna næstum alla flugvelli í landinu á ný fyrir farþegaflugi þann 3. júní næstkomandi og geta flugfélög þá byrjað að fljúga aftur til landsins með ferðamenn

Flugmenn bjóðast til að taka á sig 45 prósenta launalækkun

21. maí 2020

|

Félag belgískra atvinnuflugmanna hefur boðið stjórn Brussels Airlines að taka að sér launalækkun og vinnutímaskerðingu upp á 45 prósent fram til ársins 2023.

 síðustu atvik

  2019-01-01 20:20:00