flugfréttir
Flugsýningin Dubai Airshow 2019 hófst í gær
- Fáar pantanir á fyrsta degi sýningarinnar
18. nóvember 2019
|
Frétt skrifuð kl. 07:01
Frá opnunaratriðinu á fyrsta degi Dubai Airshow í gær
Flugsýningin Dubai Airshow 2019, ein af stærstu flugsýningum heims, var sett við hátíðlega athöfn í gær en þetta er í 30. skiptið sem hátíðin fer fram.
Yfir 13 þúsund fyrirtæki í fluginu og sýningaraðilar taka þátt í sýningunni að þessu sinni sem stendur yfir
til 21. nóvember og er búist við yfir 87.000 sýningargestum. Þá verða yfir 165 flugvélar og önnur loftför til sýnis
á svæðinu.
Ekki var mikið um stórar pantanir í gær á fyrsta degi flugsýningarinnar sem er í samræmi við spár manna þar
sem mörg af stærstu flugfélögum heims hafa nú þegar pantað mikið af flugvélum sl. ár sem verða afhentar á næstu
árum.
Eina pöntunin sem gerð var í gær á fyrsta degi sýningarinnar var pöntun frá Biman Bangladesh sem tilkynnti um pöntun á tveimur Dreamliner-þotum af gerðinni Boeing 787-9.
Boeing fékk eina pöntun í gær frá Biman Bangladesh sem pantaði tvær Dreamliner-þotur af gerðinni Boeing 787-9
Flugsérfræðingurinn Charles Forrester segir að nokkur breyting sé að verða í flugiðnaðinum
þar sem mörg flugfélög eru að fara að snúa sér að minni flugvélum í stað breiðþotna og fljúga þá frekar fleiri ferðir
fyrir lægri rekstrarkostnað.
Gert er hinsvegar ráð fyrir því að arabíska lágfargjaldafélagið Air Arabia muni tilkynna um risapöntun í allt að 100
flugvélar frá Airbus úr A320neo-fjölskyldunni og þá er einnig gert ráð fyrir að Emirates muni leggja inn pöntun
í Airbus A350 þotuna og A330neo breiðþotuna.
Dubai Airshow fer fram á tveggja ára fresti en seinast, árið 2017, voru gerðar pantanir í nýjar flugvélar
fyrir 113.8 milljarða bandaríkjadali sem samsvarar 14.044 milljörðum króna.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
