flugfréttir
11 mánuði tók að rífa fyrstu A380 risaþotuna
- Tókst að endurnýta 90% af þotunni í varahluti
Það tók Tarmac Aerosave alls 11 mánuði að rífa alla þá íhluti og einingar sem hægt var að endurnýta
Búið er að rífa fyrstu Airbus A380 risaþotuna sem farið hefur í brotajárn en 11 mánuðir eru síðan að byrjað var að taka fyrstu varahlutina úr þotunni.
Risaþotan er ein af þeim fjórum sem Singapore Airlines skilaði aftur til eigenda vélanna sem er þýska fyrirtækið
Dr. Peters Group í Þýskalandi eftir að hafa haft vélarnar í flotanum frá árinu 2008 en ekki tókst á sínum tíma að leigja vélina aftur út þar sem markaður fyrir notaðar A380 risaþotur virðist mjög takmarkaður.
Risaþotunum var flogið til Tarbes í Frakklandi á sínum tíma þar sem fyrirtækið Tarmac Aerosave hefur séð um að rífa risaþoturnarnar til að endurnýta varahluti en alls tókst að endurnýta 90% af öllum þeim varahlutum og íhlutum sem hægt var að fjarlægja úr
fyrstu A380 risaþotunni og fara varahlutirnir allir á markað með notaða varahluti fyrir aðrar A380
sem eru í umferð.
Tarmac hefur ekki notast við hefðbundnar aðferðir við að rífa A380 þotuna í sundur líkt og þekkist
í flugvélakirkjugörðum í Ameríku þar sem skrokkurinn er rifinn í sundur með stórtækum vinnuvélum en þess í stað
var um mjög vandvirkt ferli að ræða í þeim tilgangi að nýta fleiri einingar en vanalega er gert.
Með þeirri aðferð var hægt að endurnýta einingar úr búknum sjálfum, vökvakerfi, víra og rafmagnskapla, hluta
úr vængnum á borð við vængenda og fleiri íhluti og er því eina sem eftir er skrokkurinn sjálfur og vængirnir og verður búkurinn færður í geymslu og varðveittur áfram.
Skrokkurinn sjálfur er það eina sem er eftir og verður hann færður til geymslu
Í fyrstu voru allir vökvar tæmdir af vélinni og því næst var byrjað að skrúfa alla þá hluta sem hreyfast af vélinni, gluggar fjarlægðir og sæti og allt það sem hægt er að selja sem fyrst til flugrekanda sem einnig hafa Airbus A380 í flota sínum.
Tarmace Aerosave býður einnig upp á geymsluþjónustu og eru núna nokkrar „hvítar“ Airbus A380 risaþotur
í geymslu sem bíða örlaga sinna en fyrirtækið hefur geymslusvæði bæði á flugvellinum í Tarbes og einnig í Teruel
á Spáni.
Verið er að undirbúa niðurrif á annarri A380 risaþotu sem var í flota Singapore Airlines en þess má geta að aðeins
ein A380 risaþota í heiminum hefur verið seld á notuðum markaði sem fór til portúgölsku flugvélaleigunnar Hi Fly.
Risaþotan flaug í 10 ár fyrir Singapore Airlines sem skilaði henni aftur eftir að leigusamningurinn rann út
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.