flugfréttir
A321neo framleidd í Toulouse eftir að smíði A380 verður hætt
- Airbus A321neo verður framleidd á þremur stöðum í heiminum árið 2022
22. janúar 2020
|
Frétt skrifuð kl. 09:51
Airbus A321neo þoturnar eru í dag framleiddar í Hamborg í Þýskalandi og í Mobile í Alabama í Bandaríkjunum
Airbus hefur tilkynnt að til standi að hefja framleiðslu á Airbus A321neo þotunum í Toulouse í fyrsta sinn og verður sú staðsetning því sú þriðja í heiminum þar sem A321neo þotan verður framleidd auk þess sem ný langdræg útgáfa af þotunni verður smíðuð í Toulouse.
Airbus segir að þetta hafi verið ákveðið þar sem gríðarleg eftirspurn er eftir Airbus A321neo þotunni auk
Airbus A321LR og A321XLR sem verður enn langdrægari en LR-útgáfan.
Í dag er A321neo þotan framleidd á tveimur stöðum í heiminum, í Hamborg í Þýskalandi og í Mobile í Alabama í Bandaríkjunum en flugfélög í heiminum hafa pantað yfir 3.200 eintök af A321neo þotunni og hafa 290 eintök
verið afhent sem þýðir að Airbus á enn eftir að smíða um tæp 3 þúsund þotur. Þá eru ekki meðtalin yfir 7.000 eintök
af öðrum tegundum úr A320neo fjölskyldunni.
Þar sem Airbus mun á næstunni hætta að framleiða risaþotuna Airbus A380 í Toulouse ætlar framleiðandinn
að breyta því verksmiðjusvæði og koma upp nýjum samsetningarsal fyrir Airbus A321neo þoturnar en verksmiðjan
í Toulouse, þar sem A320neo eru framleiddar, eru of litlar fyrir lengri gerðina, A321neo.
Verksmiðjuálman í Lagardere í Toulouse þar sem risaþotan Airbus A380 hefur verið smíðuð
Þá stefnir Airbus á að auka framleiðsluhraðann í Mobile í Alabama úr fimm Airbus A321neo þotum upp í sjö
þotur á mánuði en stefna Airbus er að ná að afhenda 63 eintök af A320neo þotum á mánuði á næstunni.
Airbus áætlar að geta hafið framleiðslu á Airbus A321neo í Toulouse um mitt árið 2022 og ári síðar, árið 2023, er
gert ráð fyrir að afhendingar hefjist á fyrstu Airbus A321XLR þotunum.
Þrátt fyrir vinsældir farþega á A380 risaþotunni þá hefur Airbus ekki fengið eins margar pantanir í risaþotunni eins og gert var ráð fyrir í upphafi 21. aldarinnar en framleiðandinn taldi að risaþotan myndi leysa vandamál flugfélaganna er varðar þrengsli á stærstu flugvöllum heimsins.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
