flugfréttir
Sukhoi prófar rússneskt loftkerfi fyrir Superjet-þotuna
Sukhoi Superjet 100 þotan
Rússneski flugvélaframleiðandinn Sukhoi hefur hafið prófanir á nýju rússnesku loftræstikerfi fyrir Sukhoi Superjet 100 þotuna en markmiðið er að fjölga þeim íhlutum í þotunni sem eru smíðaðir í heimalandinu til að efla innlenda framleiðslu.
Næsta kynslóð af Sukhoi Superjet 100 þotunni mun hafa hærra hlutfall af íhlutum og kerfum sem framleidd
eru í Rússlandi sem hingað til hafa verið hlutir sem pantaðir hafa verið frá erlendum framleiðendum og birgjum. Er það stefna stjórnvalda í landinu að gera Superjet-þotuna „rússneskari“ með færri einingum sem framleiddar eru af erlendum fyrirtækjum.
Sukhoi framleiðandinn segir að nýja kerfið sjái um jafnþrýsting um borð í Superjet-þotunni og veiti farþegum
ferskt loft og haldi einnig utan um hitastjórnun í farþegarýminu en tilraunir fara nú fram með hitastjórnunarbúnað
fyrir kerfið sem umbreytir heitu lofti sem kemur frá hreyflunum í kaldara loft sem verður nær stofuhita þegar það fer inn í farþegarýmið.
Það er fyrirtækið Teploobmennik í borginni Nizhny Novgorod sem framleiðir loftkerfið og kemur fram að
rússneska kerfið sé mjög sambærielgt í umfangi og þyngd og það erlenda sem finna má um borð í Superjet-þotunum
í dag.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.