flugfréttir

CAPA: Flest flugfélög heimsins verða gjaldþrota í maí

- Nauðsynlegt að endurskoða umgjörðina í flugrekstri til framtíðar

16. mars 2020

|

Frétt skrifuð kl. 08:22

Farþegaþotur Cathay Pacific hrannast upp í geymslu á flugvellinum í Hong Kong

Fyrir lok maí næstkomandi munu flest flugfélög heimsins verða gjaldþrota. Svona byrjar grein sem flugupplýsingafyrirtækið CAPA (Center for Aviation) birti í morgun þar sem dregin er upp frekar dökk mynd af því sem fyrirtækið telur að framundan sé í fluginu miðað við það ástand sem nú varir í heiminum.

Vegna heimsfaraldursins sem nú geisar þá segir CAPA að mörg flugfélög í heiminum munu fara á hausinn fyrir mánaðarmótin maí/júní ef ríkistjórnir heimsins grípa ekki strax til aðgerða til að koma flugfélögum sinna landa til aðstoðar og verja þau fyrir fjárhagslegum skaða vegna COVID-19.

„Þar sem heimurinn er nú í greipum kórónaveirunnar og vegna þeirra áhrifa sem að aðgerðir landa í heiminum hafa á flugfélögin með því að setja á ferðabann og loka löndum þá væru mörg flugfélög orðin gjaldþrota strax í dag ef landslagið í iðnaðinum hefði verið slæmt fyrir“, segir í grein CAPA.

Fram kemur að samstillt átak meðal ríkja heimsins og fyrirtækja sem koma að fluginu sé það eina sem getur komið í veg fyrir fjöldagjaldþrot. Grípa þarf til aðgerða strax til að koma í veg fyrir að flest flugfélög hverfi af yfirborðinu.

Lausafé minnkar með hverjum degi og eftirspurnin að þorna upp

Lausafé flugfélaganna er hægt og rólega að minnka á meðan flugfélög leggja flugvélum sínum til geymslu vegna ástandsins og þær flugvélar sem eru í loftinu í dag hafa flest aðeins örfáa farþega um borð.

Framtíðarbókanir hjá flestum flugfélögum hefur fækkað niður í nánast ekki neitt vegna áhrifa heimsfaraldursins af COVID-19

Þá segir að framtíðarbókanir eru séu nánast engar á sama tíma og farþegar eru að afpanta flugferðir í gríð og erg og kosnaður við að endurgreiða flugmiða er mikill á meðan ekkert er að koma inn í kassann á móti.

Í greininni segir að ríkisstjórnir séu að gefa út misvísandi yfirlýsingar sem vara fólk við því að ferðast sem dregur enn frekar úr eftirspurninni sem er að þorna upp með þeim hætti sem flugfélögin hafa aldrei áður séð.

Hvert land er að grípa til sinna aðgerða sem er ekkert í líkingu við þær aðgerðir sem verið er að grípa til í næsta landi og engin veit hvort um réttar eða rangar aðgerðir sé að ræða.

Tekið er fram að flugiðnaðurinn snýst um miklu meira en bara rekstur flugfélags og sé í raun um að ræða samgöngumáta fyrir allt mankynið en án flugfélaganna þá væri fólk ekki að ná að geta ferðast um allan heiminn með eins skjótum hætti. Það hefur verið hluti af menningu okkar í marga áratugi en fyrir það voru skipasamgöngur einn helsti samgöngumátinn.

Ekki er vitað hversu lengi heimsfaraldurinn vegna COVID-19 mun standa yfir

Mörg flugfélög eru í dag að sjá aðeins 10 til 15% af þeim bókunum miðað sem þau eru vön að sjá og er tekið fram að ef fjöldi flugfélaga verður gjaldþrota að þá verði ekki hægt að anna eftirspurninni sem á eftir að myndast þegar heimsfaraldurinn er á enda og hægara er sagt en gert að stofna ný flugfélög til að fylla í skarð stórra flugfélaga sem hafa verið starfrækt í marga áratugi.

Hvað gerist í fluginu eftir heimsfaraldurinn?

Ekki er vitað hversu lengi heimsfaraldurinn vegna COVID-19 mun standa yfir en ef fjöldi flugfélaga mun hverfa af sjónarsviðinu mun heimurinn standa frammi fyrir nýjum aðstæðum þar sem eftirspurn verður mun meiri en framboð og grundvöllur til þess að stofna nýtt flugfélag verður krefjandi.

Fram kemur að flest bendi til þess að kínversku flugfélögin munu ná að lifa af heimsfaraldurinn af þar sem þau njóta stuðnings frá kínversku ríkisstjórninni og það sama má segja um bandarísku flugfélögin sem hafa lífeyrissjóðina sem bakhjarl og þá er talið að flugfélögin í miðausturlöndum ætti einnig að vera frekar örugg.

Hluti af flugflota Cathay Pacific, Hainan Airlines og HK Express á flugvellinum í Hong Kong

CAPA segir að nú sé rétti tíminn til að endurskipuleggja alla umgjörðina er kemur að rekstri flugfélaga í stað þess að gera það þegar það er orðið of seint ofan á rústum sem þakin verður ösku af gjaldþrota flugfélögum.

Til þess að þetta sé hægt er gott og sterkt samstarf milli landa nauðsynlegt og reyni þá á mátt Chicago-sáttmálans sem gerður var árið 1944 sem aldrei fyrr. Fram kemur að mjög mikið sé í húfi þar sem 20% af þjóðartekjum flestra landa er tilkomin vegna ferðamannaiðnaðarins og flugtengdra atvinnugreina.

Mjög brýnt sé að alþjóðasamtök í fluginu á borð við ICAO, IATA og EASA hefji viðræður um hvað hægt sé að gera til að gera drög að umgjörð sem verður aðlöguð að 21. öldinni.







  fréttir af handahófi

Tvö flugfélög aflýsa flugi til Íraks

6. janúar 2020

|

Tvö flugfélög, Gulf Air og Royal Jordanian Airlines, hafa fellt niður allt áætlunarflug til Íraks í kjölfar ástandsins í landinu í kjölfar árásar bandaríska hersins á bílalest í Baghdad þar sem einn

Tengdi PlayStation við upplýsingaskjá í flugstöðinni

20. janúar 2020

|

Flugfarþegi, sem var að spila tölvuleik á meðan hann beið eftir flugi á flugvellinum í Portland í Oregon í Bandaríkjunum á dögunum, gerði sér lítið fyrir og tengdi PlayStation tölvuna við upplýsingask

Áform um þriðju flugbrautina á Heathrow dæmd ólögmæt

27. febrúar 2020

|

Áfrýjunardómstóll í Bretlandi dæmdi í dag áætlanir varðandi þriðju flugbrautina á Heathrow-flugvellinum ólöglegar þar sem ekki séu tekið með í reikninginn þær skuldbindingar sem breska ríkisstjórnin

  Nýjustu flugfréttirnar

Singapore Airlines ætlar að gefa út ný hlutabréf

27. mars 2020

|

Singapore Airlines ætlar að gefa út ný hlutabréf og skuldabréf upp á 868 milljarða króna til þess að auka rekstarfé félagsins og blása nýju lífi inn í fjárhagsstöðu félagsins vegna COVID-19 heimsfara

North Terminal flugstöðinni á Gatwick lokað

27. mars 2020

|

Gatwick-flugvöllurinn ætlar sér að loka norðurflugstöðinni og takmarka flugumferð um flugvöllinn þar sem flugumferð hefur minnkað gríðarlega vegna COVID-19 faraldursins.

Hætta sjúkraflugi vegna skorts á fjármunum

27. mars 2020

|

Sjúkraflutningafyrirtækið Air Ambulance Service á Írlandi mun hætta starfsemi sinni þann 3. apríl næstkomandi en fyrirtækið er fyrsta sjúkraflutningafélagið sem stofnað var á Írlandi sem rekið hefu

Flugumferð hættir að dragast saman í bili

27. mars 2020

|

Dregið hefur úr þeirri fækkun sem hefur átt sér stað í fjölda flugferða í heiminum undanfarna daga og hefur fjöldi daglegra flugferða verið í kringum 95.000 flug á dag í vikunni ef marka má upplýsin

Miami Air sækir um Chapter 11 greiðslustöðvun

26. mars 2020

|

Bandaríska flugfélagið Miami Air International hefur sótt um greiðslustöðvun undir reglugerðinni Chapter 11 en umsókn vegna þessa var send inn formlega til dómstóls í Flórída sl. þriðjudag.

Framkvæmdir hafnar að nýju á 65 flugvöllum í Kína

26. mars 2020

|

Kínverjar hafa hafið framkvæmdir að nýju á 65 flugvöllum í landinu þar sem framkvæmdir voru í fullum gangi áður en þær stöðvuðust vegna útbreiðslu kórónuveirunnar.

London City flugvellinum lokað fram í enda apríl

25. mars 2020

|

London City flugvellinum var í kvöld lokað og mun hann verða lokaður að minnsta kosti fram í enda apríl.

„Nýja“ Alitalia mun hafa aðeins 25 til 30 flugvélar

25. mars 2020

|

Ítalska flugfélagið Alitalia mun verða mun smærra í sniðum eftir enduruppstokkun félagsins í kjölfar ríkisvæðingarinnar og verður félagið til að byrja með aðeins um 25 til 30 flugvélar í flotanum.

De Havilland krefst 6 milljarða króna í bætur frá SpiceJet

25. mars 2020

|

Kanadíska fyrirtækið De Havilland Aircraft hefur höfðað mál gegn indverska lágfargjaldarfélaginu SpiceJet og er farið fram á að flugfélagið greiði framleiðandanum allt að 6 milljarða króna í skaðabæt

Fljúga DHC-8 skrúfuvélunum til Köben þrisvar í viku

25. mars 2020

|

Grænlenska flugfélagið Air Greenland hefur sl. daga verið að fljúga DHC-8 Q200 Dash 8 skrúfuflugvélunum til Kaupmannahafnar frá Grænlandi.

 síðustu atvik

  2019-01-01 20:20:00