flugfréttir
Hætta við 92 MAX-þotur og höfða mál gegn Boeing
- Norwegian hættir einnig við pöntun í fimm Dreamliner-þotur
30. júní 2020
|
Frétt skrifuð kl. 12:19
Líkt og fleiri flugfélög þá hefur Norwegian ekki geta flogið Boeing 737 MAX þotunum í tæpa 16 mánuði
Norska flugfélagið Norwegian hefur hætt við allar pantanirnar sem félagið átti í Boeing 737 MAX og Dreamliner-vélarnar, alls 97 þotur, og hefur félagið þar að auki ákveðið að stefna Boeing og höfða mál gegn flugvélaframleiðandanum.
Þetta kemur fram í yfirlýsingu sem kom frá Norwegian í gærkvöldi en Norwegian
mun höfða mál gegn Boeing á grundvelli kyrrsetningarinnar á 737 MAX vélunum og
vegna vandamála sem félagið hafði gengið í gegnum með Boeing 787 þoturnar.
Pöntunin á flugvélunum níutíu og sjö sem Norwegian ætlar að hætta við er metin á 2,57 milljarða
Bandaríkjadali sem samsvarar 357 milljörðum króna.
Um er að ræða fimm Boeing 787-9 þotur og 92 Boeing 737 MAX þotur
en Norwegian hefur fengið 31 Boeing 737 MAX þotu afhenta sem félagið
hefur ekki geta notað í 16 mánuði.
Norwegian hefur einnig þurft að ganga í gegnum mikla erfiðleika með Trent 1000
hreyflana frá Rolls-Royce á Dreamliner-þotunum sem hafa þurft mun meira viðhald
en búist var við en Boeing 787 þoturnar áttu að vera aðalvinnuhestur
félagsins í fluginu yfir Atlantshafið og hefur félagið sagt að það vandamál
hafi verið meginorsökin fyrir taprekstri félagsins árið 2018 og 2019.
Dreamliner-þota Norwegian
Þá hefur Norwegian einnig sagt upp GoldCare viðhaldsþjónustunni sem
félagið undirritaði við Boeing árið 2016 sem var þá einn stærsti viðhaldssamningur
sem Boeing hafði gert við eitt flugfélag en sá samingur átti að gilda til
ársins 2034.
Norwegian segir í yfirlýsingu sinni að viðræður um skaðabætur vegna vandamála
með Boeing 787 og kyrrsetningu Boeing 737 MAX hafi ekki skilað neinum
árangri og hafi félagið því ákveðið að sækja rétt sinn með því að höfða mál.
Norwegian hafði í lok maímánaðar aðeins sjö flugvélar í rekstri af þeim 147 þotum sem eru
í flotanum og má því áætla að 140 flugvélar Norwegian séu í geymslu vegna COVID-19.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
