flugfréttir
Pakistanska flugfélaginu PIA bannað að fljúga til Evrópu
Boeing 777 þota Pakistan International Airlines á Kennedy-flugvellinum í New York
Flugöryggisstofnun Evrópu (EASA) hefur bannað flugfélaginu Pakistan International Airlines (PIA) að fljúga til Evrópu og um evrópska flugvelli og hefur félagið verið sett á svartan lista.
Bannið tekur í gildi frá og með morgundeginum 1. júlí og gildir það að minnsta kosti í 6
mánuði með möguleika á framlengingu í þrjá mánuði til viðbótar.
Bannið er tilkomið í kjölfar frétta sem birtust í fjölmiðlum víðsvegar um heim í seinustu viku
um að allt að 30% allra atvinnuflugmanna í Pakistan væru með ýmist falsað eða „vafasamt“
flugskírteini.
Þetta mun hafa þau áhrif að ríkistflugfélagið PIA mun ekki geta flogið til evrópskra borga
á borð við London, Kaupmannahöfn, París, Róm, Osló,
Barcelona, Birmingham auk Manchester.
Vegna COVID-19 hefur Pakistan International Airlines ekki flogið til Evrópu sl. vikur en félagið
hafði vonast til þess að geta byrjað aftur að fljúga til Oslóar, Kaupmannahafnar, Parísar, Barcelona og til
Mílanó síðar í sumar.
Í kjölfar flugslyss, sem átti sér stað þann 22. maí er farþegaþota af gerðinni Airbus A320
sem fórst í aðflugi að borginni Karachi, með þeim afleiðingum að 97 létu lífið, kom í ljós
að næstum þriðjungur af öllum flugmönnum í landinu væru ekki hæfir til þess að fljúga
samkvæmt reglugerðum frá flugmálayfirvöldum og voru skilríki þeirra fölsuð eða gefin út þrátt fyrir að þeir stæðust ekki kröfur.
EASA hefur haft miklar áhyggjur varðandi þær afleiðingar sem þetta getur haft í för með
sér og var því ákveðið að banna ríkisflugfélaginu pakistanska að fljúga til Evrópu.
Abdullah Hafeez, talsmaður PIA, segir þessar fregnir mjög sorglegar þar sem þetta
eigi eftir að skaða ímynd flugfélagsins sem fyrir áratug síðan var álitið eitt af virtustu flugfélögum
heims. - „Við erum gjörsamlega búin að ná botninum“, segir Hafeez.
Pakistan International Airlines (PIA) hefur frest til þess að áfrýja úrskurði EASA en þrátt fyrir það þá tekur bannið í gildi á morgun.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.