flugfréttir
Ætla að afhenda 450 MAX-vélar innan 12 mánaða
30. júlí 2020
|
Frétt skrifuð kl. 07:00
450 Boeing 737 MAX þotur bíða þess að verða afhentar til viðskiptavina sinna
Boeing stefnir á að afhenda allar þær 450 Boeing 737 MAX þotur sem framleiddar hafa verið til viðskiptavina sinna innan 12 mánaða frá því að afhendingar hefjast að nýju sem mögulega verður fyrir lok ársins.
Flugvélaframleiðandinn lýsti þessu yfir í dag er afkoma Boeing eftir annan ársfjórðung var kynnt og kemur
fram að vonir séu bundnar við að hægt verði að afhenda fyrstu 737 MAX þoturnar á ný milli hausts og jóla.
Yfir 450 Boeing 737 MAX þotur hafa verið smíðaðar frá því að þotan var kyrrsett um allan heim í mars árið 2019
og hefur framleiðandinn komið þeim fyrir á geymslusvæðum víðsvegar um Bandaríkin.
Hversu margar og hversu hratt hægt verður að afhenda þær þegar bandarísk flugmálayfirvöld (FAA) leyfa
þotunum að fljúga aftur fer þó allt eftir flugmálayfirvöldum í þeim löndum sem vélarnar verða afhentar til.
Þótt að endurútgáfa á flughæfnisvottun vélanna virðist vera handan við hornið þá hafa sum flugfélög
sínar efasemdir líkt og Southwest Airlines sem telur að mögulega eigi Boeing 737 MAX ekki eftir að fljúga
á ný fyrr en á fyrsta ársfjórðungi ársins 2021.
Boeing vonast til þess að viðskiptavinirnir verði bjartsýnir á framhaldið þar sem framleiðandinn segir að
hægt verði að afhenda þær úr geymslu tiltölulega fljótt þar sem þær eru tilbúnar til notkunar með stuttum undirbúningstíma.
Einhver flugfélög hafa hætt við MAX þoturnar en flest þó hluta af þeim sem pantaðar voru á meðan einhver flugfélög
hafa farið fram á að fresta afhendingum og hefur kórónaveirufaraldurinn haft sín áhrif á þá ákvörðunartöku.
Boeing hefur þegar greitt flugfélögum 600 milljónir Bandaríkjadali í skaðabætur sem samsvarar 81 milljarði
króna.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
