Þörf fyrir 5 prósent færri nýja flugmenn til ársins 2039

- Spá Boeing lækkar úr þörf fyrir 804.000 flugmenn niður í 763.000

17. október 2020

|

Frétt skrifuð kl. 11:32

Boeing telur að þörf sé fyrir 40.000 færri flugmenn til ársins 2039 en gert var ráð fyrir árið 2019

Boeing hefur gefið út nýja spá er varðar eftirspurn eftir flugmönnum í heiminum til næstu 20 ára og kemur þar fram að þörf verður fyrir 40.000 færri flugmenn til ársins 2039 en gert var ráð fyrir í fyrra og þörf fyrir 30.000 færri flugvirkja.

Minni eftirspurn má rekja til offramboðs af hæfum flugmönnum og flugvirkjum sem eru ekki lengur að starfa í iðnaðinum þar sem þeir hafa misst vinnuna vegna kórónaveirufaraldursins.

Þrátt fyrir minni eftirspurn eftir flugmönnum þá lækkar talan aðeins um 5% færri flugmenn en árið 2019 gerði spá Boeing ráð fyrir að þörf væri fyrir 804.000 flugmenn til næstu 20 ára en nýuppfærð spá gerir ráð fyrir að það vanti 739.000 nýja flugmenn til ársins 2039.

Í fyrra var gert ráð fyrir þörf væri fyrir 769.000 flugvirkja en sú tala lækka niður í 739.000 samkvæmt nýjustu spá sem er lækkun um 4 prósent. Þörf fyrir flugfreyjur og flugþjóna lækkar aðeins um 1.2% en talið er að það þurfi 903.000 flugfreyjur til viðbótar í heiminum en sú tala var 914.000 í fyrra.

Spáin gerir ráð fyrir þörf fyrir 739.000 nýja flugvirkja í heiminum í stað 739.000 flugvirkja

Flugsérfræðingar og aðrir fagaðilar í iðnaðinum telja að sú krísa sem varir í dag í fluginu sé aðeins ein af þeim sveiflum sem hafa dunið yfir iðnaðinn reglulega og þar sem talið er að ástandið eigi því eftir að lagast að lokum eru allir þeir aðilar, sem eru að leggja flugtengd fög fyrir sig, hvattir til þess að halda áfram sínu striki.

Fram kemur að flugið hafi áður gengið í gegnum erfiðleika á borð við hryðjuverkaárásirnar á Bandaríkin, SARS-faraldurinn og fjármálakreppuna árið 2008 og segir Boeing að það hafi alltaf tekið nokkur ár fyrir flugið að ná fullum bata.

Boeing spáir því að það muni taka um 3 ár þangað til að flugumferð verði aftur sú sama og hún var árið 2019 en á meðan munu margir flugmenn láta af störfum sökum aldurs á meðan aðrir munu ekki snúa aftur í flugið sem opnar fleiri tækifæri fyrir nýja flugmenn og hraðar eftirspurninni eftir nýjum flugmönnum.

Nemendur og þeir sem eru að leggja stund á nám í flugtengdum fögum eru hvattir til að halda sínu striki þrátt fyrir ástandið í fluginu

Steve Dickson, yfirmaður hjá bandarískum flugmálayfirvöldum (FAA), sagði nemendum í Embry-Riddle flugskólanum að hann væri bjartsýnn á tækifæri í fluginu þrátt fyrir kórónaveirufaraldurinn og hvatti nemendur að einblína á námið sitt.

Atvinnumálavefurinn JSfirm.com tekur í sama streng og segir að störfum sé þegar farið að fjölga strax á ýmsum sviðum og hundruði fyrirtækja að leita eftir starfsfólki í fluginu þrátt fyrir að ekki sé enn mikið verið að ráða til flugfélaganna.

Fram kemur að tugþúsundir flugmanna, flugvirkja og flugfreyja eigi eftir að ná starfslokaaldri næsta áratuginn og sé því nauðsynlegt að hugsa til framtíðar þrátt fyrir ástandið í dag.