Stærsti fjartengdi flugturn heims tekin í notkun í Noregi

- Flugumferð á 15 flugvöllum í Noregi verður stýrt frá Bodø

20. október 2020

|

Frétt skrifuð kl. 13:45

Frá nýju flugumferðarstjórnstöðinni í Bodø sem er sú stærsta í heimi er kemur að fjarstýrði flugumferðarstjórnun

Norska flugumferðarstjórnin og flugvallarfyrirtækið Avinor hefur tekið í notkun stærstu flugstjórnarmiðstöð heims þar sem flugumferð á öðrum flugvöllum er stjórnað með fjarbúnaði.

Flugstjórnarmiðstöðin er staðsett í bænum Bodø og er flugumferð um tvo flugvelli stjórnað þaðan í dag en stefnt er á að flugumferð um 13 norska flugvelli verði stjórnað þaðan til viðbótar á næstunni með þessari tækni og bætast þeir flugvellir við til ársins 2022.

Þetta þýðir að þessi flugvellir verða ekki með mannaðan flugturn og er þess í stað útbúnir öflugu myndavélakerfi og skynjurum sem streyma myndbandsupptöku í beinni og gögnum til flugstjórnarmiðstöðvarinnar í Bodø ásamt upplýsingum um veðurfar og ástand brautar.

Myndavélakerfið gefur 360° ásynd í mjög hárri upplausn sem býður upp á að hægt sé að greina smæstu hluti með mikilli skerpu sem augað nær ekki að greina úr fjarlægð.

Á þessu ári verður flugumferð og flugupplýsingar veittar til flugvallanna í Vardø, Hasvik og Berlevåg

Fyrir flugmenn þá verður engin breyting þar sem þeir munu hafa eðlileg samskipti á tíðninni líkt og flugumferðarstjóri eða radíómaður væri staðsettur á flugvellinum sjálfum.

„Fjarstýrð flugumferðarstjórnun er heillandi tækni sem þróuð hefur verið hér í Noregi. Með því að sameina hugvit og þekkingu frá Avinor og fyrirtækinu KONGSBERG þá eruð við stoltir af því að skrifa blað í sögu flugsins með þessari tækni“, segir Geir Håøy, framkvæmdarstjóri KONGSBERG Group.

Öflugt myndavélakerfi er staðsett á flugvöllunum sem gefur 360° ásýnd til flugstjórnarmiðstöðvarinnar í Bodø

Það var í fyrra sem að norski flugherinn og Avinor hófu samstarf um prófanir með fjarstýrðri flugumferðarstjórnun fyrir herflug í Noregi og hófst fjartengd flugumferðarstjórnun fyrst á flugvellinum í Røst í október í fyrra.

Á þessu ári hafa og munu bætast við flugvellirnir í Vardø, Hasvik og Berlevåg og á næsta ári verður svo fjartengd flugumferðarstjórnun komið upp á flugvöllunum í Mehamn, Røros, Rørvik, Namsos, Svolvær og Sogndal. Árið 2022 bætast svo loks við flugvellirnir í Molde, Førde, Lakselv og Kirkenes.

Fram kemur að flugsamgöngur séu mjög nauðsynlegar í Noregi þar sem tveir af hverjum þremur Norðmönnum býr innan við eins klukkutíma aksturs frá næsta flugvelli. Þá segir að yfir 30.000 sjúkraflug eigi sér stað á ári í Noregi að meðaltali.

Myndband: