flugfréttir
Tilboð í Jet Airways samþykkt
20. október 2020
|
Frétt skrifuð kl. 21:06
Airbus A330 breiðþotur Jet Airways
Indverska flugfélagið Jet Airways hefur loksins fundið kaupanda sem er tilbúinn að fjárfesta í eignum félagsins en eitt og hálft ár er liðið frá því að Jet Airways hætti flugrekstri.
Jet Airways lagði niður starfsemi sína tímabundið í apríl árið 2019 eftir að það var tekið til gjaldþrotaskipta en félagið var eina flugfélagið á Indlandi sem bauð upp á fulla þjónustu í millilandaflugi fyrir utan Air India.
Nefnd lánadrottna samþykkti með afgerandi meirihluta, eða með 99% atkvæða, tilboð frá hópi fjársterkra aðila sem hafa boðist til að kaupa Jet Airways en það er þó háð þeim skilyrðum að fjárfestarnir greiði lánadrottnum 16 milljarða af skuldum félagsins sem nemur aðeins 5% af heildarskuldunum en skuldir Jet Airways nema 285 milljörðum króna.
Ekki hafa verið gefnar upp neinar upplýsingar varðandi hvenær til stendur
að koma rekstri Jet Airways aftur í gang en félagið hefur í sinni eigu níu flugvélar
og samanstendur flotinn af fimm Boeing 777-300ER þotum, tveimur 737-800 þotum,
einni Airbus A330 breiðþotu og einni Boeing 737-900 þotu.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
