flugfréttir
Terminal 5 flugstöðinni á Brandenburg verður lokað
- Syðri flugbrautin verður einnig tekin úr notkun sem fyrst
Terminal 5 flugstöðvarbyggingin á Brandenburg-flugvellinum
Nýi Brandenburg-flugvöllurinn í Berlín hefur staðfest að til standi að loka Terminal 5 flugstöðinni tímabundið og færa alla starfsemina yfir á Terminal 1 flugstöðina.
Brandenburg-flugvöllurinn, sem var formlega tekin í notkun fyrir einum mánuði síðan, eða þann 31. október síðastliðinn, hefur tvær flugstöðvarbyggingar, Terminal 1 auk Terminal 5 sem er tilheyrir Schönefeld-flugvellinum.
Til stóð að flugvöllurinn yrði starfræktur með tvær flugstöðvarbyggingar auk þess sem síðar
verður ný bygging, Terminal 2, tekin í notkun en eins og staðan er í dag eru það fáir farþegar sem fara
um Brandenburg-flugvöllinn vegna heimsfaraldursins að flugvöllurinn hefur enga þörf fyrir tvær
flugstöðvar í augnablikinu.
Terminal 5 verður lokað í eitt ár og þá stendur einnig til að loka syðri flugbrautinni eins fljótt
og mögulegt er um óákveðin tíma og mun flugvöllurinn því að eins nýta eina flugbraut í stað tveggja
en syðri brautin var opnuð þann 4. nóvember, fjórum dögum eftir að Brandenburg-flugvöllurinn var
tekinn í notkun.
Eftir að syðri flugbrautinni verður lokuð mun aðeins ein flugbraut þjóna allri Berlínarborg sem er
eitthvað sem ekki hefur gerst síðan árið 1923 þegar Tempelhof-flugvöllurinn var tekin í notkun.
„Árið 2021 verður mjög erfitt ár fyrir Brandenburg-flugvöllinn og enginn flugvöllur í Þýskalandi
mun ná að hafa fyrir rekstarkostnaði miðað við spár um farþegafjölda á næsta ári“, segir Engelbert
Lutke Daldrup, framkvæmdarstjóri flugvallarins.
Ekki hefur verið ákveðið hvenær Terminal 5 flugstöðinni verður lokað en gert er ráð fyrir að það
verði gert mjög fljótlega eftir áramót og munu þau flugfélög, sem fljúga í dag um Terminal 5, fá
aðlögunartíma áður en þau færa sig yfir á Terminal 1.
Framkvæmdum við nýju flugstöðvarbygginguna, Terminal 2, er lokið og stóð til að taka hana í notkun
árið 2021 en eins og staðan er núna er óvíst hvenær hún verður tekin í notkun þar sem óvissa ríkir
um framhaldið vegna þróun heimsfaraldursins.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.