flugfréttir
Akureyrarflugvöllur vefst fyrir mörgum í flugvallargátu
- Jafnmargir hafa giskað á flugvöllinn í Entebee í Úganda
7. desember 2020
|
Frétt skrifuð kl. 17:57
Af þeim 68 sem höfðu giskað á réttan flugvöll voru aðeins 8 með rétt svar kl. 17:14
Akureyrarflugvöllur hefur þvælst fyrir mörgum sem spreyta sig nú á flugvallargátu sem er í gangi á erlendri flugsíðu á Fésbókinni og hefur gengið erfiðlega að fá rétta svarið.
Flugvallargátan birtist á fésbókarsíðunni Aviation Study nú síðdegis með mynd af flugvellinum á Akureyri og er skrifað við myndina „Giskið á flugvöllinn“ en Aviation Study hefur yfir 325 þúsund fylgjendur sem líkar við síðuna.
Á einum klukkutíma höfðu yfir 100 manns skrifað ummæli við gátuna og þar af 68 spreytt sig á gátunni en aðeins 8 giskað á rétta svarið.
Árangurinn kemur svo sem ekkert á óvart og myndu íslenskir flugáhugamenn án efa lenda í vandræðum með að giska á ljósmynd af erlendum flugvelli miðað við þann fjölda sem til er af flugvöllum í heiminum.
Jafnmargir hafa hinsvegar giskað á flugvöllinn í borginni Entebbe í Úganda og þá hafa 5 giskað á flugvöllinn í Mahe á Seychelles-eyjum og þá fær flugvöllurinn á Gibraltar fjögur gisk.
Alls hafa 11 giskað á rétt land og nefnt Ísland en í þremur tilvikum er haldið fram að um Keflavíkurflugvöll
sé að ræða.
Meðal annara flugvalla sem giskað hefur verið á er flugvöllurinn í Nice í Frakkland, St. Barths í Karíbahafinu, Anchorage í Alaska, Dubai og Calvi á Korsíku. Þá eru margir vissir um að um flugvöll í Afríku sé að ræða þar sem er giskað einnig á Mogadishu, Jóhannesarborg, Mombasa og Egyptaland.
Hægt er að smella hér til að sjá flugvallargátuna í færslunni á Aviation Study
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
