flugfréttir
MC-21 flýgur fyrsta flugið með rússnesku PD-14 hreyflunum
MC-21-300 tilraunarþotan frá Irkut í fyrsta fluginu í morgun með PD-14 hreyflunum
Rússneska MC-21-300 farþegaþotan hefur flogið sitt fyrsta flug með rússnesku PD-14 hreyflunum sem framleiddir eru af hreyflaframleiðandanum Aviadvigatel.
Fyrsta flugið með hreyflunum átti sér stað í dag og fór þotan í loftið frá verksmiðjunum í borginni Irkutsk og stóð flugið yfir í eina klukkustund og 25 mínútur en jómfrúarflug MC-21-300 þotunnar átti sér stað í maí árið 2017 en þá var þotan með PW-1400G-JM hreyflum frá Pratt & Whitney.
„Flugið er afrakstur tveggja mikilvægra verkefna sem er í gangi í dag í rússneskum flugiðnaði sem eru
MC-21 þotan og PD-14 hreyfillinn. Það má þakka þeim vísindamönnum, verkfræðingum, framleiðendum og
starfsmönnum, sem hafa unnið að smíði þotunnar, fyrir þessa nýju kynslóð sem litið hefur dagsins ljóss“, segir Sergey Chemezov, framkvæmdarstjóri rússneska fyrirtækisins Rostec, sem
hefur þróað PD-14 hreyfilinn.
PD-14 hreyfillinn hefur verið í þróun og smíðum frá árinu 2012 og er hann byggður
á PS-90 hreyflinum sem hefur verið notaður til að knýja áfram margar rússneskar
flugvélar í gegnum árinu frá því á níunda áratug síðustu aldar.
Um helmingur af öllum þeim 630 eintökum sem smíðuð verða af MC-21 þotunni
mun koma með PD-14 hreyflinum á meðan hinar þoturnar koma með PW-1400G-JM
hreyflinum frá Pratt & Whitney.
Irkut MC-21 þotunni er ætlað að keppa við farþegaþotur á borð við Boeing 737 og Airbus A320 og er gert ráð fyrir að þotan komi á markað á næsta ári.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.