flugfréttir
Helmingur risaþotna Qatar Airways mun ekki fljúga aftur
13. janúar 2021
|
Frétt skrifuð kl. 14:42
Qatar Airways hefur í dag tíu Airbus A380 risaþotur í flota sínum og mun sennileg helmingur þeirra ekki fljúga aftur
Flugfélagið Qatar Airways hefur tilkynnt um að allt bendi til þess að helmingurinn af öllum Airbus A380 risaþotum félagsins eigi ekki afturkvæmt í háloftin að loknum heimsfaraldri en fyrir áramót taldi félagið að allar risaþotur félagsins færu aftur í notkun.
Þetta sagði Akbar Al Baker, framkvæmdarstjóri Qatar Airways, á rafrænni ráðstefnu á vegum CAPA sem
fram fór í dag og tók Al Baker fram að Airbus A380 væri versta þotan er kæmur að hagkvæmni og umhverfismálum.
Qatar Airways hefur í dag tíu Airbus A380 risaþotur en engar af þeim eru í notkun í dag og verða því sennilega
aðeins fimm þotur í rekstri þegar félagið mun hefja aftur risaþotuflug.
Hljóðið í Al Baker hefur breyst er kemur að risaþotunni og nefndi hann að þær væru mjög óhagkvæmar í rekstri
en þegar Qatar Airways tók við þeirri fyrstu árið 2014 lofsamaði hann risaþoturnar og sagði að þær yrðu burðarstólpinn
í rekstri félagsins og myndu opna dyrnar að nýjum tækifærum.
„Ef þú hefur áhuga á að kaupa eina risaþotu til að eiga sjálfur þá skal ég selja þér hana“, sagði Al Baker í gríni
er hann ávarpaði fundargesti á CAPA ráðstefnunni á Netinu.
Mark Drusch, varaformaður Qatar Airways, sagði í desember að flugfélaginu lægi ekkert á að
fljúga risaþotunum og taldi hann að þær myndu allar hefja sig til flugs þegar að því kemur
en svo virðist sem að annað sé uppi á teningnum í dag.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
