flugfréttir
Norwegian kveður Atlantshafið
- Ætla að einblína á flug innan Evrópu - Flotinn fer úr 140 þotum niður í 50
14. janúar 2021
|
Frétt skrifuð kl. 18:14
Norwegian ætlar ekki að byrja aftur að fljúga langflug eins og félagið hafði gert frá árinu 2013
Norska flugfélagið Norwegian hefur ákveðið að draga sig af markaðnum er kemur að flugi yfir Atlantshafið og hætta við öll áform um áframhaldandi flug milli Evrópu og Norður-Ameríku auk þess sem flug til Asíu og Karíbahafsins verður ekki tekið upp að nýju.
Þess í stað ætlar félagið að einblína á áætlunarflug innan Evrópu en áætlunarflug Norwegian yfir Atlantshafið var farið að ganga
mjög erfiðlega töluvert áður en heimsfaraldurinn kom upp.
Með þessu mun flugfloti Norwegian dragast saman úr 140 þotum niður í aðeins 50 þotur á þessu ári og verða því eingöngu minni
farþegaþotur í rekstri félagsins og engar breiðþotur en félagið stefnir á að flugflotinn verði komin í 70 þotur árið 2022.
Flugu fyrsta lágfargjaldaflugið í langflugi árið 2013
Langflugsstarfsemi félagsins var rekin undir nafninu Norwegian Long Haul og flaug félagið meðal annars til Bangkok, Púertó Ríkó
og til Jómfrúareyja með Dreamliner-þotum auk þess sem áfangastaðir félagsins í Bandaríkjunum voru 13 talsins þegar mest var.
Talið er að brotthvarf Norwegian af markaðnum yfir Atlantshafið eigi eftir að draga úr samkeppninni meðal annarra flugfélaga
þegar flug hefst að nýju af fullum krafti milli Evrópu og Bandaríkjanna
Jacob Schram, framkvæmdarstjóri Norwegian, segir að flugið innan Evrópu hafi ætíð verið aðalburðarstólpinn í rekstri félagsins
og sér hann ekki fram á að ástandið eigi eftir að lagast í fluginu yfir Atlantshafið nærri því strax.
Norwegian byrjaði að fljúga yfir Atlantshafið árið 2013 og var fyrsta lágfargjaldaflugið vestur um hafi farið þann 30. maí það árið
sem var flug frá Osló og Stokkhólmi til New York og skömmu síðar byrjaði félagið að fljúga langflug til Asíu og var Bangkok
fyrsti áfangastaðurinn í álfunni.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
