flugfréttir
Fyrsta A300 þotan með nýjum stjórntækjum afhent til UPS
Stjórnklefinn eftir endurbæturnar á fyrstu Airbus A330 breiðþotunni frá UPS sem hefur fengist undir breytingarnar
Airbus hefur lokið við uppsetningu á nýjum stjórntækjum fyrir Airbus A300-600 breiðþotuna og afhent þotuna til baka til fraktflugfélagsins UPS (United Parcel Service) en þetta er í fyrsta sinn sem Airbus kemur fyrir endurbættum stjórntækjum fyrir þessa flugvélategund sem kom fyrst á markað árið 1974.
Vöruflutningarisinn United Parcel Service (UPS) gerði samning við Honeywell og Airbus um uppfærslu á stjórntækjum, skjám og tölvubúnaði á 52 Airbus A300 þotum
árið 2017.
Með þessu mun líftími flugvélanna lengjast um a.m.k. 18 ár en meðal annars verður nýjum flugtölvum (FMS) og nýjum RVR 4000 veðurratsjám komið fyrir í vélunum auk þess sem þær munu
fá LCD skjái fyrir báða flugmenn, nýtt Integrated Standby Instrument kerfi, nýjan ACARS-búnað og þá verður skipt um viðhaldstölvukerfi og árekstrarvara.
Endurnýjunin á stjórntækjunum fór fram í verksmiðjum Airbus í Mobile í Alabama í Bandaríkjunum og
var flugvélin afhent þann 3. febrúar til UPS. Þetta er í fyrsta skipti sem boðið er upp á eins viðamikla
breytingu á stjórnklefa fyrir Airbus A330 og gáfu evrópskt flugmálayfirvöld (EASA) út vottun fyrir breytingunni
þann 22. desember sl. og bandarísk flugmálayfirvöld (FAA) þann 5. janúar sl.
Ed Walton hjá UPS segir að Airbus A300 breiðþoturnar, sem keyptar voru á sínum tíma frá Airbus, séu
ennþá einn helsti vinnuhesturinn í flota félagsins og séu þær ennþá ungar með tilliti til fjölda flugferða og eigi
þær því nóg eftir.
Stærsta byltingin fyrir Airbus A300 vélar UPS verður að fá nýja flugtölvu sem kemur með gagnagrunni sem heldur utan um flugupplýsingar og flugvelli um allan heim en þær munu koma með Future Air Navigation System (FANS).
Núverandi flugtölvur (FMS) í Airbus A300 vélum félagsins hafa ekki nægilega stórt minni og geyma þær því aðeins upplýsingar fyrir lítil svæði með fáum flugvöllum og þarf því að setja upp nýjan gagnagrunn í hvert skipti sem hver flugvél ætlar að fljúga til annarra svæða en hún hefur flogið fram að því.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.