flugfréttir
Finnair mun sjá um niðurrif á þotu í fyrsta sinn
- Ætla að nýta elstu Airbus A319 þotuna í varahluti
16. febrúar 2021
|
Frétt skrifuð kl. 16:31
Airbus A319 þotan sem Finnair ætlar að sjá sjálft um að rífa niður í brotajárn
Finnska flugfélagið Finnair hefur ákveðið að rífa niður í brotajárn eina af þeim Airbus A319 þotum sem félagið hefur í flota sínum.
Þotan, sem var afhent til félagsins árið 2002, er 21 árs gömul og hefur Finnair komist að því að flugvélin sé betur nýtt í varahluti fyrir hinar
Airbus A319 þoturnar en félagið hefur sjö A319 þotur í sínum flota.
Flugvélin verður rifin niður á flugvellinum í Helsinki og verða íhlutir, sæti, hjólabúnaður, stjórntæki og annar búnaður notaður
sem varahlutir í hinar flugvélarnar en fram kemur að þetta sé í fyrsta skipti sem að Finnair ræðst í niðurrif sem fram fer í Finnlandi.
Að öðru leyti hefði Finnair sent flugvélina í niðurrif til fyrirtækja sem sérhæfa sig í brotajárni á borð við fyrirtækin End-of-Life Solutions (AELS)
í Hollandi eða hjá Air Salvege International á Englandi en í þetta skipti ákvað Finnair að taka verkið að sér og láta flugvirkja félagsins um
vinnuna.
Airbus A319 þotan sem fer í niðurrif ber skráninguna OH-LVH og er hún elsta A319 þotan hjá Finnair sem fékk þotuna afhenta árið 2002
en flugvélin var áður í rekstri hjá Sabena í Belgíu sem varð gjaldþrota árið 2001.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
