flugfréttir
Markaðsvirði á A380 risaþotum lækkar um 50 prósent
20. febrúar 2021
|
Frétt skrifuð kl. 15:54
Airbus A380 risaþotur frá Air France hafa verið í langtímageymslu frá því um vorið 2020
Fyrirtækið International Bureau of Aviation (IBA) hefur gert úttekt á almennu verðgildi á farþegaflugvélum þar sem meðal annars kemur fram að verð á risaþotunni hefur minnkað um næstum því helming sé miðað við það sem A380 risaþotan var metin á fyrir heimsfaraldur.
Í úttektinni kemur fram að kyrrsetning á Airbus A380 risaþotunni víða um heim auk þess sem ákvörðun
Airbus um að hætta að framleiða risaþotuna sé aðalorsök þess hversu mikið risaþoturnar hafa hrapað í verði.
Phil Seymour, forstjóri IBA, segir að á meðan heimsfaraldurinn hefur almennt haft mjög neikvæð áhrif
á markaðsvirði á farþegaflugvélum af öllum gerðum þá hafa stórar þotur og breiðþotur lækkað mest í verði.
Einnig hafa nýjar þotur af minni gerðinni lækkað í verði á borð við Airbus A220 sem hefur lækkað um allt
að 8 prósent vegna minni eftirspurnar en engin þota hefur lækkað eins mikið og Airbus A380.
Fram kemur að markaðsvirði á Boeing 737 MAX hafi lækkað um 12 prósent og verð á hefðbundnum
Airbus A320 og A321 þotum og Boeing 737NG þotum um 17% og þá hefur Boeing 777 þoturnar lækkað
um 20 prósent.
Í dag er bæði lítil sem engin eftirspurn eftir risaþotum né varahlutum fyrir þær og þá hafa fjölmörg flugfélög tilkynnt
að þau hafi ákveðið að hætta að nota risaþotuna A380 ýmist tímabundið eða lagt þeim varanlega og telja hæpið að þau taki risaþoturnar aftur í notkun eftir heimsfaraldurinn.
Það að Airbus hafi ákveðið að hætta að framleiða Airbus A380 mun einnig þýða að risaþotan á sér ekki framtíð
lengur og þá mun þjónusta við þær risaþotur sem eftir verða stöðvast einn daginn sem lætur flugfélög frekar
líta til annarra tegunda af breiðþotum sem eiga sér lengri framtíð.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
