flugfréttir
Málmþreyta í hreyflablaði möguleg orsök
- Tvö blöð brotnuðu á Boeing 777 þotu United Airlines
23. febrúar 2021
|
Frétt skrifuð kl. 13:15
Mynd af hreyflinum sem samgönguöryggisnefnd Bandaríkjanna (NTSB) birti í gær
Talið er líklegt að málmþreyta í hreyflablaði sé orsök bilunar sem kom upp í hreyfli á farþegaþotu af gerðinni Boeing 777-200 hjá United Airlines sem varð til þess að sprenging kom upp í hreyflinum skömmu eftir flugtak með þeim afleiðingum að nánast öll hreyflahlífin losnaði af og féll til jarðar í nokkrum bútum.
Þetta kemur fram í yfirlýsingu frá samgönguöryggisnefnd Bandaríkjanna (NTSB) sem segir að eitt af hreyflablöðunum í inntaki hreyfilsins virðist hafa brotnað vegna
málmþreytu en fram kemur að tvö blöð hafi brotnað, eitt við rótina blaðsins og þá brotnaði úr enda blaðsins við hliðina á.
„Varðandi hreyflablaðið sem var brotið alveg frá rótinni þá virðist bráðabirgðaskoðun leiða
í ljós að skemmdin sé vegna þreytu í málminum í blaðinu“, segir Robert Sumwalt, yfirmaður NTSB.
„Hitt blaðið hefur sennilega skemmst eftir að brotið úr hinu blaðinu fór utan í það“, segir
Robert. Þá urðu skemmdir á festingunni sem tengja hreyfilinn við vænginn auk þess
sem brak gerði gat á klæðningu við vængrótina sem gerir straumlínulaga form þar sem vængurinn
festist við skrokkinn en engar skemmdir hafa uppgötvast á flugvélinni sjálfri er varðar burðarvirkið.
Skemmdir á klæðningu við vængrótina eftir að brak þeyttist úr hreyflinum
NTSB hefur ekki tekist að komast að því hvort að atvikið að þessu sinni, sem átti sér
stað sl. laugardag (20. febrúar), sé svipað og sambærilegt atvik sem átti sér
stað þann 13. febrúar árið 2018 en þá var einnig um að ræða hreyfil af gerðinni PW4000
á Boeing 777 þotu félagsins. Það atvik olli þó ekki skemmdum og flokkaðist
það því ekki sem „uncontained engine failure“.
Farið hefur verið fram á af flugmálayfirvöld í nokkrum löndum að Boeing 777 þotur með hreyfla af gerðinni PW4000 verði kyrrsettar tímabundið en tilmælin ná yfir tiltölulega fáar Boeing 777 þotur eða um 130 þotur en alls hafa verið framleiddar yfir 1.600 Boeing 777 þotur frá upphafi frá því þær komu á markað árið 1995.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
