flugfréttir
Flugstjórinn pantaði pizzur fyrir alla um borð
Flugvélin þurfti að lenda í Charleston á leið sinni frá Key West til Charlotte
Flugstjóri einn hjá bandaríska flugfélaginu American Eagle ákvað í seinustu viku að milda biðina fyrir farþegum með því að panta pizzu fyrir alla um borð eftir að óveður hafði sett strik í reikninginn.
Um var að ræða áætlunarflug frá Key West á Flórída til Charlotte í Norður-Karólínu með þotu af gerðinni
Embraer ERJ-145 en flugvélin þurfti að lenda á herflugvellinum í Charleston í Suður-Karólínu
vegna mikils þrumuveðurs á áfangastað.
Ákveðið var að bíða eftir að þrumuveðrið myndi ganga niður og höfðu farþegarnir um borð
beðið í meira en klukkustund þegar flugstjórinn ákvað að panta pizzu fyrir allan mannskapinn.
Einhverjir farþegar tóku myndir og settu á samfélagsmiðla er pizzurnar komu á staðinn og tóku báðir flugmennirnir
við pizzunum en bæði flugmaðurinn og flugstjórinn í þessu flugi hétu John og hefði því verið viðeigandi
ef pizzurnar hefðu verið pantaðar frá Papa Johns en svo var ekki raunin.
Pizzurnar komnar um borð í Embraer-þotuna á herflugvellinum í Charleston sl. þriðjudag
Þotan fór svo síðar í loftið og lenti með töluverðri seinkun í Charlotte þar sem mikil seinkun hafði þegar orðið á brottför
frá Key West.
„Við erum mjög stolt af American Airlines og einnig af samstarfsfólki okkar hjá Republic Airways sem hugsa mjög vel
um viðskiptavini okkar á hverjum degi. Hvort sem það sé skin eða skúr þá nær starfsfólk okkar alltaf að sanna að þau eru meðal
þeirra bestu í bransanum“, segir talsmaður American Airlines.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.