flugfréttir

Setti pinnann í rangt gat á nefhjólastellinu

- Bað hávaxnari flugvirkjann að koma pinnanum fyrir

14. júlí 2021

|

Frétt skrifuð kl. 14:42

Mynd af flugvélinni eftir atvikið á Heathrow-flugvellinum þann 18. júní síðastliðinn

Rannsóknarnefnd flugslysa í Bretlandi hefur gefið frá sér bráðabirgðaskýrslu varðandi atvik sem átti sér stað er nefhjól féll saman á Boeing 787 Dreamliner-þotu hjá British Airways á flughlaði á Heathrow-flugvellinum í London þann 18. júní síðastliðinn en verið var að undirbúa þotuna fyrir áætlunarflug með frakt til Frankfurt.

Í skýrslunni segir að atvikið er rakið til þess að öryggispinni („remove before flight pin“) hafði verið settur í vitlaust gat. Fram kemur að yfirflugvirki hafi verið í flugstjórasætinu með fartölvu að eyða út villukóða en fram kom að til þess að framkvæma þá aðgerð hafi verið nauðsynlegt að virkja vökvakerfisþrýsting til þess að færa skaftið í stjórnklefanum sem tekur hjólin upp eftir flugtak og setur þau niður fyrir lendingu.

Þegar það kom í ljós að þess var þörf bað hann tvo aðra flugvirkja að koma fyrir öryggispinnum fyrir í öll hjólastellin þrjú á flugvélinni og sjá til þess að allir hlaðmenn myndi færa sig frá og færa öll ökutæki og annan búnað. Annar flugvirkinn, sem var lágvaxnari en hinn, vissi nákvæmlega hvar rétta gatið var fyrir pinnann þegar kom að nefhjólinu en hefði þurft tröppur til þess að ná í gatið.

Í staðinn bað hann hávaxnari flugvirkjann um að koma pinnanum fyrir og benti honum á rétta gatið en sá flugvirki setti pinnann óvart í vitlaust gat á nefhjólastellinu.

Skýringarmynd sem sýnir hvar rétta gatið er fyrir „nose gear lock pin“

Lágvaxnari flugvirkinn fór um borð og inn í stjórnklefann eftir að búið var að koma öllum pinnum fyrir og hafði hann einnig gengið í kringum öll hjólastellin til þess að staðfesta að hann sæi alls staðar rauðu flögginn á pinnunum sem á stendur „remove before flight“. Lét hann yfirflugvirkjann vita að allir pinnar væru komnir á sinn stað.

Því næst hófst yfirflugvirkinn handa við að framkvæma aðgerðina og ræsti vökvakerfi vélinnar. Eftir að þrýstingur kom á færði hann skaptið („landing gear lever“) upp og samstundist féll nefhluti vélarinnar ofan í jörðina.

Við atvikið urðu skemmdir á nefhjólahlerum, hreyflahlífum auk þess sem skemmdur urðu á báðum dyrunum þar sem stigabíll var við innganginn að framan.

Einn hlaðmaður, sem var ofan á bretti á fraktökutæki en staðsettur undir frakthurðinni, hlaut minniháttar áverka auk flugmanns sem sat í hægra sæti í stjórnklefanum. Þrír starfsmenn sem voru inni í flugvélinni að framanverðu duttu í gólfið en þá sakaði ekki.







  fréttir af handahófi

Aðeins 4 milljónir farþega um Heathrow á hálfu ári

26. júlí 2021

|

Stjórn Heathrow-flugvallarins í London hvatti í dag bresk stjórnvöld til þess að slaka á ferðatakmörkunum og opna fyrir ferðalög meðal þeirra farþega sem hafa verið fullbólusettir gegn COVID-19.

Stefna á að auka flugdrægi A220 þotunnar enn frekar

25. maí 2021

|

Airbus leggur nú drög að því að auka flugdrægi Airbus A220-100 þotunnar með það markmið að þotan geti flogið allt að 6.390 kílómetra (3.450 nm) eða 93 kílómetrum lengra en hún gerir í dag.

Wizz Air mun hætta innanlandsflugi í Noregi

30. maí 2021

|

Ungverska flugfélagið Wizz Air hefur gefið frá sér tilkynningu þar sem fram kemur að félagið ætli sér að hætta öllu innanlandsflugi í Noregi frá og með 14. júní næstkomandi.

  Nýjustu flugfréttirnar

Kyrrsetja 13 Airbus A350 þotur vegna galla í klæðningu

5. ágúst 2021

|

Flugmálayfirvöld í Katar hafa farið fram á við flugfélagið Qatar Airways að kyrrsetja þrettán farþegaþotur af gerðinni Airbus A350-900.

Tuttugu og fimm Boeing 737-800 fraktþotur á leið til Bluebird

3. ágúst 2021

|

Íslenska fraktflutningaflugfélagið Bluebird Nordic stefnir á að stórauka umsvif sín og þrefalda afkastagetu félagsins á næstu þremur árum.

DHL Express pantar tólf rafmangsflugvélar

3. ágúst 2021

|

Vöruflutningaflugfélagið DHL Express hefur gert samning við fyrirtækið Eviation um pöntun á tólf rafmangsflugvélum.

Norse Atlantic Airways pantar sex Boeing 787 til viðbótar

3. ágúst 2021

|

Nýja norska lágfargjaldafélagið Norse Atlantic Airways hefur skrifað undir samkomulag um pöntun á fleiri Dreamliner-þotum.

Flugfarþegum fjölgar en ekki mikill bati yfir höfuð

2. ágúst 2021

|

Alþjóðasamtök flugfélaganna (IATA) segja að aðeins sé farið að örla fyrir aukinni eftirspurn í farþegaflugi á heimsvísu ef teknar eru saman tölur um eftirspurn bæði í millilandaflugi og í innanlandsf

Air India ætlar að hafa júmbó-þoturnar áfram í flotanum

31. júlí 2021

|

Indverska flugfélagið Air India ætlar ekki að hætta með Boeing 747 og stefnir félagið á að fljúga júmbó-þotunum áfram en uppi hefur verið orðrómur um að félagið ætli að hætta með þær fljótlega.

Risaþotur Singapore Airlines snúa aftur í notkun eftir geymslu

28. júlí 2021

|

Singapore Airlines er byrjað að undirbúa að taka fleiri Airbus A380 risaþotur í notkun en félagið lagði risaþotunum í fyrra vegna heimsfaraldursins.

Mango stöðvar flugrekstur og aflýsir öllu flugi

27. júlí 2021

|

Suður-afríska lágfargjaldaflugfélagið Mango Airlines hefur aflýst öllu flugi og lagt niður allt áætlunarflug frá og með deginum í dag vegna vangoldinna skulda við flugumferðarstjórnina í Suður-Afrík

Möguleiki að Ryanair leggi inn pöntun í 737 MAX 10

27. júlí 2021

|

Ryanair skoðar nú möguleika á að leggja inn pöntun til Boeing í stærstu MAX þotuna sem er Boeing 737 MAX 10 en fjármálastjóri félagsins segir að það veltur þó allt á verðinu og hversu góð kjör Ryanai

Heimsmet slegið í rafmagnsflugi með sólarorku

27. júlí 2021

|

Heimsmet var sett fyrr í mánuðinum er lítil rafmagnsflugvél flaug lengsta flug sem flogið hefur verið með flugvél sem knúin er áfram fyrir sólarorku þar sem komið er við á nokkrum flugvöllum á leiðin

">

 síðustu atvik

  2019-01-01 20:20:00