flugfréttir

Skortur á flugmönnum næsta krísa sem blasir við í fluginu

- Þurfa fleiri flugmenn til að fljúga þeim þotum sem pantaðar hafa verið

22. september 2021

|

Frétt skrifuð kl. 14:44

Bhanu Choudhrie segir að eins og staðan er í dag þá væri ekki nægilegur fjöldi flugmanna til að fljúga öllum þeim þotum sem flugfélög hafa pantað

Eftir að flugfélög víða um heim fara senn að rísa upp úr þeirri krísu sem hefur legið yfir fluginðainum vegna heimsfaraldursins þá vofir yfir önnur tegund af krísu sem er skortur á flugmönnum.

Þetta segir Bhanu Choudhrie, framkvæmdarstjóri Alpha Aviation Group, sem starfrækir flugskóla og þjálfunarsetur bæði í Sameinuðu arabísku furstadæmunum og einn stærsta flugskóla í suðausturhluta Asíu á Filippseyjum sem hefur þjálfað flugmenn fyrir Philippine Airlines, AirAsia, Cebu Pacific og Air Asia.

„Flugfélögin eru að halda áfram að panta nýjar flugvélar til að endurnýja flotann sinn og meðan þau eru að því þá þurfa þau fleiri flugmenn“, segir Choudhrie.

Choudhrie segir að flugfélög eru farin í auknu mæli að leita til hans og sýna fyrirtækinu afhendingaráætlunina sína og spyrja hvort hægt sé að hafa nægilega marga flugmenn tilbúnna fyrir þann tíma.

Tekur að minnsta kosti 24 mánuði að þjálfa nýja flugmenn frá grunni

Choudhrie segir að það taki frá 18 til 24 mánuði að þjálfa flugmenn frá grunni frá því að þeir stíga sín fyrstu skref í flugnámi og þar til að þeir útskrifast sem atvinnuflugmenn. Þetta þýðir að flugfélög þurfa að byrja strax að tryggja sér nýja flugmenn áður en þoturnar verða afhentar því án flugmanna þá verða þær aðeins kyrrsettar á jörðu niðri ef enginn er til þess að fljúga þeim.

Þá nefnir hann sem dæmi að varðandi nýja Airbus A321XLR þotu sem flugfélag hefur pantað að þá þurfi að minnsta kosti 18 flugmenn á hverja þotu. Vandamálið er hinsvegar að fjöldi þeirra flugmanna sem misstu starfið við upphaf heimsfaraldursins sé slíkur að ekki sé nægilegur fjöldi til staðar þegar uppgangurinn hefst á ný þar sem margir hafa hætt og sumir skipt um starfsvettvang.

Bæði í Asíu og í Bandaríkjunum blasir við töluverður skortur á flugmönnum næstu árin

Boeing telur að þörf sé á um 600.000 nýjum flugmönnum á næstu 20 árum en á þeim tíma munu flugfélög um allan heim taka við 43.600 nýjum þotum en spáð er að mest verður uppsveiflan í Asíu og sérstaklega á Indlandi.

Svipuðum skorti á flugmönnum er spáð einnig vestanhafs en Kit Darby, ráðgjafi í ráðningarmálum flugmanna í Bandaríkjunum, segir að minni flugfélög í Bandaríkjunum séu strax farin að finna fyrir skorti á flugmönnum. „Ef þessi minni flugfélög lenda í því að geta ekki fundið fleiri flugmenn þá geta þau ekki flogið farþegum frá minni bæjum og borgum til stærri flugvallanna og þá lenda stóru flugfélögin í vandamálum“, segir Darby.

Darby segir að skortur á flugmönnum var þegar farin að gera vart við sig fyrir heimsfaraldurinn þar sem flugfélög gátu ekki lengur tekið inn flugmenn í eins miklu mæli sem höfðu fengið þjálfun hjá flughernum auk þess sem mikill fjöldi eldri flugmanna voru að láta af störfum sökum aldurs og á sú tala eftir að hækka enn á næstu árum.

Spáð er að um 3.000 flugmenn eigi eftir að ná starfslokaaldri á hverju ári á milli áranna 2023 og 2026 í Bandaríkjunum og þarf því að fylla í það skarð næstu árin en þess má geta að um 5.000 flugmenn létu af störfum í beinum tengslum við COVID-19 við upphaf heimsfaraldursins árið 2020.

Bandarísk flugfélög eru þó farin að undirbúa sig fyrir uppsveifluna en Delta Air Lines ætlar sér að ráða um 1.000 flugmenn fyrir næsta sumar og þá hefur United Airlines fjárfest í sínum eigin flugskóla til þess að tryggja sér flugmenn næstu árin.







  fréttir af handahófi

FAA vill fækka slysum í Alaska og efla flugöryggi

15. október 2021

|

Bandarísk flugmálayfirvöld (FAA) ætla að kynna á næstunni tillögur til þess að draga úr flugslysum og flugatvikum í Alaska en tíðni slysa og óhappa í fluginu er mun meiri þar en í öðrum fylkjum Banda

Nepal Airlines gæti orðið næsta flugfélag til að heyra sögunni til

24. júlí 2021

|

Mikil óvissa ríkir um framtíð flugfélagsins Nepal Airlines og gæti svo farið að félagið muni heyra sögunni til eftir 63 ára sögu en félagið var stofnað árið 1958.

Þrjár síðustu risaþoturnar afhentar í nóvember

6. september 2021

|

Emirates mun taka við þremur síðustu risaþotunum frá Airbus í nóvember en eftir það verður flugfélagið komið með allar þær Airbus A380 þotur sem félagið átti von á og lýkur þar með afhendingum á risa

  Nýjustu flugfréttirnar

Fékk eldfjallaösku í hreyfla eftir flugtak frá Tenerife

15. október 2021

|

Farþegaþota af gerðinni Boeing 737-800 frá Ryanair þurfti að snúa við skömmu eftir flugtak frá Tenerife eftir að aska fór inn í hreyflana frá eldgosinu á Kanaríeyjum.

Síðasta flugið í sögu Alitalia

15. október 2021

|

Alitalia flaug í gær sitt síðasta áætlunarflug en saga þessa ítalska flugfélags heyrir núna sögunni til eftir 75 ára starfsemi.

FAA vill fækka slysum í Alaska og efla flugöryggi

15. október 2021

|

Bandarísk flugmálayfirvöld (FAA) ætla að kynna á næstunni tillögur til þess að draga úr flugslysum og flugatvikum í Alaska en tíðni slysa og óhappa í fluginu er mun meiri þar en í öðrum fylkjum Banda

Norska ríkið mun verja 22 milljörðum til flugmála á næsta ári

13. október 2021

|

Norska ríkið ætlar að verja um 1.4 milljarði norskra króna í flugiðnaðinn í landinu á næsta ári eða sem samsvarar tæpum 22 milljörðum króna til þess að styrkja innviði flugsins í landinu.

Lufthansa endurgreiðir þýska ríkinu yfir 200 milljarða

13. október 2021

|

Lufthansa lítur til framtíðar með björtum augum eftir heimsfaraldurinn og hefur flugfélagið þýska endurgreitt þýsku ríkisstjórninni um 220 milljarða króna sem félagið fékk í fjárhagsaðstoð vegna COV

Great Dane Airlines gjaldþrota

13. október 2021

|

Danska flugfélagið Great Dane Airlines er gjaldþrota eftir aðeins þriggja ára starfsemi.

Farþegi slasaðist við að fjarlægja hjólakubba með mótor í gangi

11. október 2021

|

Samgönguöryggisnefnd Bandaríkjanna (NTSB) hefur gefið frá sér skýrslu varðandi atvik sem átti sér stað er farþegi í lítilli flugvél slasaðist alvarlega er hann reyndi að fjarlægja hjólakubba frá nefhj

Air Seychelles fer fram á gjaldþrotavernd vegna skulda

10. október 2021

|

Flugfélagið Air Seychelles hefur óskað eftir gjaldþrotameðferð í þeim tilgangi að fá vernd frá kröfuhöfum og lánadrottnum á meðan reynt verður að ná að komast yfir skuldabagga félagsins.

Spá farþegafjölda upp á 8 milljónir um KEF árið 2024

7. október 2021

|

Ný samantekt Isavia um mögulegan fjölda farþega um Keflavíkurflugvöll næstu þrjú árin sýnir að ef bjartsýnustu spár ganga eftir gætu fleiri farþegar farið um flugvöllinn árið 2024 en árið 2019, þ.e. á

Nýtt fyrirkomulag á ástandsmati flugbrauta

5. október 2021

|

Nýtt fyrirkomulag hefur verið innleitt við mat á ástandi flugbrauta við vetraraðstæður og upplýsingagjöf til flugmanna um brautarástand á íslenskum alþjóða- og áætlanaflugvöllum.

 síðustu atvik

  2019-01-01 20:20:00