flugfréttir

Nokkur flugfélög undirbúa endurkomu Airbus A380

8. nóvember 2021

|

Frétt skrifuð kl. 14:01

Qatar Airways, Qantas og British Airways undirbúa sig fyrir endurkomu Airbus A380 risaþotnanna

Nokkur flugfélög eru farin að undirbúa sig fyrir endurkomu Airbus A380 risaþotnanna þrátt fyrir að flestar af þeim séu enn kyrrsettar í langtímageymslu vegna heimsfaraldursins.

Eins og staðan er í dag er Emirates eina flugfélagið í heiminum sem flýgur risaþotunni eftir heimsfaraldurinn en á næstu vikum mun Qatar Airways bætast við í hópinn og þá er fyrsta risaþotan sem ástralska flugfélagið Qantas hefur sótt úr langtímageymslu á leið til Ástralíu en í dag, 8. nóvember, lagði hún af stað frá Dresden í Þýskalandi.

Qatar Airways hefur sótt fimm risaþotur úr langtímageymslu sem eru nú staðsettar á nýja Hamad International flugvellinum í Doha en félagið hefur alls 10 risaþotur í flotanum.

Risaþoturnar fimm munu hefja aftur áætlunarflug á næstu vikum en félagið ákvað nýlega að taka þær aftur í notkun þar sem eftirspurn eftir flugi til og frá Doha er farið að aukast á ný.

Qatar Airways mun byrja að fljúga risaþotunum aftur um miðjan desember og verða þær notaðar meðal annars í flugi til London Heathrow og til Parísar.

Fyrsta Airbus A380 risaþotan hjá Qantas er þessa stundina á leið til Sydney frá Dresden í Þýskalandi

Ein ástæða þess að Qatar Airways sótti risaþoturnar er sú að nítján af nýju Airbus A350 þotunum eru kyrrsettar vegna skoðunar á yfirborði á klæðningu á vélunum

Fyrsta risaþotan sem Qantas hefur sótt hafði verið í geymslu í Los Angeles frá því í mars í fyrra en þotunni var flogið þaðan til Dresden í ágúst sl. þar sem skipt var um sæti og farþegarýmið endurnýjað.

Fyrsta áætlunarflug Qantas með Airbus A380 eftir faraldurinn mun hefjast þann 1. apríl 2022 og þá ætlar félagið að vera búið að bæta þremur við til viðbótar í leiðarkerfið fyrir nóvember árið 2022.

Qantas hefur 12 risaþotur í flotanum en félagið gerir ráð fyrir að tíu af þeim eigi eftir að snúa aftur í háloftin á meðan tvær verða endanlega teknar úr umferð.

Þá flaug British Airways í dag þjálfunarflug með Airbus A380 til þess að undirbúa flugmenn og áhafnir fyrir fyrstu áætlunarflugin en flugfélagið breska ætlar að nota risaþoturnar fyrst um sinn í flugi yfir Atlantshafið til Ameríku auk þess sem félagið mun fljúga þeim til Dubai.







  fréttir af handahófi

Viðbygging á Akureyrarflugvelli boðin út að nýju

5. október 2021

|

Isavia hefur óskað eftir tilboðum í viðbætur og breytingar á flugstöðinni á Akureyrarflugvelli. Útboðslýsing hefur verið gefin út á útboðsvef Isavia. Tilboð verða opnuð 1. nóvember næstkomandi.

Icelandair ætlar að taka inn þrjár 737 MAX þotur til viðbótar

21. október 2021

|

Icelandair íhugar að bæta við þremur Boeing 737 MAX þotum í flotann fyrir næsta sumar og á félagið í viðræðum við flugvélaleigur vegna leigusamninga á þremur þotum til viðbótar.

Viðbygging á Akureyrarflugvelli boðin út að nýju

5. október 2021

|

Isavia hefur óskað eftir tilboðum í viðbætur og breytingar á flugstöðinni á Akureyrarflugvelli. Útboðslýsing hefur verið gefin út á útboðsvef Isavia. Tilboð verða opnuð 1. nóvember næstkomandi.

  Nýjustu flugfréttirnar

AirBaltic íhugar A220-500 ef hún kemur á markaðinn

1. desember 2021

|

Flugfélagið airBaltic segir að verið sé að skoða möguleikann á því að leggja inn pöntun í Airbus A220-500 sem yrði lengsta útgáfan af A220 þotunni (CSeries) ef Airbus ákveður að hefja framleiðslu á þ

Fyrsta DHC-8-400 vélin afhent til nýja Flybe

30. nóvember 2021

|

Flybe hefur færst skrefi nær því að hefja aftur áætlunarflug með fyrstu de Havilland DHC-8-400 flugvélinni sem félagið hefur fengið afhenta en lágfargjaldafélagið breska var eitt af fyrstu flugfélögu

Laumufarþegi lifði af dvöl í hjólarými í 33.000 fetum

29. nóvember 2021

|

Laumufarþegi, sem hafði dúsað í tvær og hálfa klukkustund í hjólarými á Boeing 737-800 þotu hjá American Airlines, lifði af flugferð í 33.000 fetum yfir Mexíkflóann sl. helgi og var heill á húfi er s

Farþegaflug í millilandaflugi í Asíu enn í mikilli lægð

29. nóvember 2021

|

Farþegaflug í millilandaflugi til og frá Asíu og um Kyrrahafssvæðið er enn í tölvuverðri lægð vegna heimsfaraldurins og kemur fram að tiltölulega lítil aukning hafi orðið á farþegum á undanförnum mis

Enn og aftur reynt að stofna nýtt flugfélag í Nígeríu

29. nóvember 2021

|

Enn og aftur stendur til að koma á fót nýju þjóðarflugfélagi í Nígeríu en Hadi Sirika, flugmálaráðherra landsins, segir að verið sé að undirbúa stofnun flugfélagsins Nigeria Air.

Augnskannatækni til að skima fyrir þreytu meðal flugmanna

24. nóvember 2021

|

Fyrirtækið Collins Aerospace hefur hafið samstarf við ástralska fyrirtækið Seeing Machines um möguleikann á því að nota augnskanna til að skima fyrir þreytu meðal flugmanna og fylgjast með augnhreyfin

BA hótar að minnka umsvif sín á Heathrow-flugvelli

22. nóvember 2021

|

British Airways hefur hótað því að draga úr umsvifum sínum á Heathrow-flugvellinum ef yfirvofandi hækkun á flugvallargjöldum verður að veruleika.

Ónýt og óflughæf Sukhoi-þota til sölu á uppboði

21. nóvember 2021

|

Farþegaþota af gerðinni Sukhoi Superjet 100 verður seld á uppboði í Rússlandi á næstunni en þotan er skemmd eftir óhapp sem átti sér stað í lendingu árið 2018 á flugvellinum í rússnesku borginni Yaku

Samið um framkvæmdir á nýrri akbraut flugvéla í Keflavík

20. nóvember 2021

|

Isavia undirritaði í gær samning við Ístak um gerð nýrrar 1.200 metra akbrautar fyrir flugvélar á Keflavíkurflugvelli og næsta áfanga nýrrar austurálmu Flugstöðvar Leifs Eiríkssonar.

Isavia hlýtur ISO 14001 umhverfisvottun

18. nóvember 2021

|

Isavia ohf. hlaut á dögunum ISO 14001 umhverfisvottun. Við innleiðingu á þessum umfangsmikla umhverfisstjórnunarstaðli voru umhverfisþættir í starfsemi fyrirtækisins greindir, komið á vöktun og stýrin

 síðustu atvik

  2019-01-01 20:20:00